ရန်ကုန်တိုင်းဒေသကြီး လှိုင်မြို့နယ်၊ ၁၆ ရပ်ကွက်၊ ဗဟိုလမ်းနဲ့ပါရမီလမ်းထောင့် ယာဉ်ထိန်းရုံးအနီးမှာ စက်တင်ဘာ ၆ ရက် ည ၇ နာခွဲရီလောက်က ပေါက်ကွဲမှုဖြစ်ပွားခဲ့တယ်လို့ မြို့ခံတွေက ပြောပါတယ်။
မြို့ခံတဦးက “အသံအကျယ်ကြီးကြားလိုက်တယ်၊ ယာဥ်ထိန်းရုံးအနီးမှာ ဗုံးပေါက်ကွဲတာလို့ သိရပြီး လူထိခိုက်တယ်တော့ မကြားမိဘူး၊ စစ်တပ်က ရှာဖွေရေးတွေ လုပ်သွားတယ်” လို့ ပြောပါတယ်။
လှိုင်မြို့နယ်မှာ မကြာခဏပေါက်ကွဲမှုတွေဖြစ်ပေါ်ခဲ့ပြီး စစ်ကောင်စီပိုင် စက်ရုံ အလုပ်ရုံတွေလည်း ဩဂုတ်လတွင်းက ဗုံးပေါက်ကွဲမှုတွေ ရှိခဲ့ပါတယ်။
ရန်ကုန်တိုင်းဒေသကြီး ကမာရွတ်မြို့နယ် ရွာမကွေ့ဗဟိုလမ်းမှာ မတ်လ ၁၉ ရက်က ဆန္ဒပြလူငယ်တချို့နှင့် အကြမ်းဖက်စစ်ကောင်စီရဲ့ လက်ပါးစေ စစ်တပ်နဲ့ ရဲတပ်ဖွဲ့ဝင်များအား မြင်တွေ့ရစဉ်။
Photo - Ye Naung / MPA
