ကိုဗစ်-၁၉ ကပ်ရောဂါ ကူးစက်မှု ရပ်တန့်ရေးအတွက် တရုတ်နိုင်ငံရဲ့ မြို့တော် ပေဂျင်းမှာ မေ ၄ ရက်က မြေအောက်ရထားဘူတာတွေနဲ့ ဘတ်စ်ကားလမ်းကြောင်း ဒါဇင်နဲ့ချီ ပိတ်ချလိုက်ပါတယ်။

ဒါ့အပြင် လူသန်းချီပြီး တလကျော်ကြာ တင်းတင်းကျပ်ကျပ် ပိတ်ဆို့ကန့်သတ်ခံလိုက်ရတဲ့ ရှန်ဟိုင်းမြို့က အဖြစ်မျိုးကို ရှောင်ရှားဖို့လည်း ဖြစ်ပါတယ်။

ပေဂျင်းမြို့တော်မှာ မြေအောက်ရထားကွန်ရက်ရဲ့ ဆယ်ပုံတပုံဖြစ်တဲ့ မြေအောက်ရထားဘူတာ ၄၀ ကျော်၊ ဘတ်စ်ကားလမ်းကြော ၁၅၈ ခုကိုလည်း ပိတ်ချလိုက်ပြီလို့ ဝန်ဆောင်မှု ပေးသူတွေက ပြောပါတယ်။

ဆိုင်းငံ့လမ်းကြောင်းတွေ အများစုရှိတဲ့နေရာဟာ ပေဂျင်းမြို့ရဲ့ ကူးစက်ရာ အချက်အခြာနေရာဖြစ်တဲ့ ကျောက်ယန်ခရိုင်မှာ ရှိပါတယ်။

နေ့တိုင်း ကူးစက်ခံ လူနာသစ်တွေ ဒါဇင်ချီ တိုးနေလို့ တရုတ်အစိုးရဟာ ရှန်ဟိုင်းမြို့မှာလို တမြို့လုံး အသွားအလာ ပိတ်ဆို့ကန့်သတ်ရတဲ့ အဖြစ်မျိုးကို ရှောင်ဖို့ ကြိုးစားနေပါတယ်။

မကူးစက်ခင် လူထုကို အကြီးအကျယ် စမ်းသပ်စစ်ဆေးပြီး ဗိုင်းရပ်စ်ကိုရှာရင်း သီးခြားခွဲထားဖို့ မျှော်လင့်ထားပါတယ်။

ဒီသီတင်းပတ်ထဲမှာ ပေကျင်းက ခရိုင် ၁၆ ခုအနက် ၁၂ ခုမှာ ကူးစက်ခံလူနာတွေကို ဒုတိယအကျော့ စစ်ဆေးနေပါတယ်။

မြန်မာသမ္မတရုံးရဲ့ ဝဘ်ဆိုက်ကို ဖောက်ထွင်းပြီး ဝဘ်ဆိုက်ရဲ့ရှေ့စာမျက်နှာမှာ download လုပ်လို့ ရတဲ့ မြန်မာစာလုံး font package ထဲမှာ backdoor trojan ဗိုင်းရပ်စ်ကို ဆိုက်ဘာသူလျှို ဟက်ကာအုပ်စုတစုက ထည့်သွင်းထားတယ်လို့ ယူဆရကြောင်း The record သတင်းမှာ ဖော်ပြပါတယ်။

ဒီဆိုက်ဘာကျူးကျော်မှုကို ဇွန် ၂ ရက်နေ့မှာ  စလိုဗက် လုံခြုံရေးကုမ္ပဏီ ESET ကနေ တွေ့ရှိခဲ့တာပါ။

ဒီတိုက်ခိုက်မှုမှာသုံးထားတဲ့ malware အမျိုးအစားဟာ Mustang Panda, RedEcho သို့မဟုတ် Bronze President ကဲ့သို့သော  codenames တွေအောက်မှာ သိထားကြတဲ့ တရုတ်အစိုးရ-ကြီးကြပ်မှုနဲ့ ဟက်ကာအဖွဲ့က မြန်မာပစ်မှတ်တွေကို သတင်းအချက်အလက်တွေ ခိုးယူဖို့ လုပ်ဆောင်ခဲ့ရာမှာ သုံးဖူးတဲ့ malware မျိုးနဲ့ဆင်တူတယ်လို့ သုတေသီတွေက ပြောပါတယ်။

Mustang Panda ဟာ အီးမေးလ်အခြေပြုတိုက်ခိုက်မှုတွေကို သေချာပုံဖော် လုပ်ဆောင်တတ်တဲ့ ရာဇဝင်ရှိထားပြီး အခုဟက်ကာအဖွဲ့ကတော့ မြန်မာသမ္မတဝဘ်ဆိုက်မှာ download လုပ်ဖို့ ကမ်းလှမ်းထားတဲ့  မြန်မာစာလုံး font package ထဲမှာထည့်ဖို့ ပြင်ဆင်မွမ်းမံထားပုံရတယ် လို့ဆိုပါတယ်။

ဟက်ကာအဖွဲ့ရဲ့ ဖောက်ထွင်းပြီး ဗိုင်းရပ်စ်ထည့်သွင်းပုံတွေကို ESET အဖွဲ့က တွစ်တာမှာ မနေ့က ရေးထားပါတယ်။

မှတ်တမ်းထဲမှာ NUG အစည်းအဝေး အစီရင်ခံစာ ဇစ်ဖိုင်၊ အာဆီယံ - ဂျပန်ထိပ်သီးဆွေးနွေးရန်အချက်များ ၊  MMRS ဂျီနီဗာ ၊ ၁၁ရက် ၃ လ ၂၀၂၁ ဆိုတဲ့ဖိုင်နဲ့ MOHS-3-covid အမည်ရှိဖိုင်တွဲတွေကို Hidden files တွေထဲမှာ တွေ့ရပါတယ်။

တွေ့ရှိရတဲ့အချက်အလက်တွေအရ Mustang Panda ရဲ့ ပါဝင်ပတ်သက်မှုကို ESET အနေနဲ့ တရားဝင် အတည်ပြုရဦးမှာဖြစ်ပေမယ့်  အာခိုက် မှတ်တမ်းတွေအရ ဒါဟာ အဆင့်မြင့်ပြီး ခိုးကြောင်ခိုးဝှက် လုပ်ထားတဲ့ ဆိုက်ဘာသူလျှိုလုပ်ခြင်းရဲ့ လက္ခဏာတွေကို ပြနေတယ် လို့ဆိုပါတယ်။

မနေ့ကအဖြစ်အပျက်ကတော့ အဖွဲ့အစည်းတခုကနေ သူတို့မကြာခဏ အသုံးပြုလေ့ရှိတဲ့ တစ်ခု သို့မဟုတ် တစ်ခုထက်ပိုတဲ့ malware တွေနဲ့ နည်းဗျူဟာကျကျ မြန်မာသမ္မတရုံးဝဘ်ဆိုက်ကို ဒုတိယအကြိမ်တိုက်ခိုက်ခြင်းဖြစ်တယ် လို့ ESET ကနေ ထုတ်ပြန်ထားပါတယ်။