မကွေးတိုင်း၊ တောင်တွင်းကြီးမြို့နယ်မှာ အောက်တိုဘာ ၂၃ ရက် မွန်းလွဲပိုင်းက စစ်ကောင်စီ သတင်းပေးဒလန်တစ်ယောက်ကို ဗိဿနိုးနယ်မြေ ပြည်သူ့ကာကွယ်ရေး တပ်မတော်က သုတ်သင်ခဲ့တယ်လို့ ထုတ်ပြန်ထားပါတယ်။
တောင်တွင်းကြီးမြို့ တောင်ပြင်(၁)ရပ်ကွက်မှာနေထိုင်တဲ့ အများပြည်သူက ဒလန်လို့ သတ်မှတ်ခံ ထားရတဲ့ သမိုင်းသစ်ကွမ်းယာဆိုင်က ကိုမြင့်ဝင်းကို ဒီကနေ့ မွန်းလွဲ ၁ နာရီကျော်လောက်က သေနတ်နဲ့ ၈ ချက်ပစ်သတ်ခဲ့တာကြောင့် နေရာမှာ သေဆုံးသွားတယ်လို့ဆိုပါတယ်။
ဗိဿနိုးနယ်မြေပြည်သူ့ကာကွယ်ရေး တပ်မတော်အနေနဲ့ PDF တပ်ဖွဲ့တွေနဲ့ပူးပေါင်းကာ စစ်အာဏာရှင် အမြစ်ပြုတ်သည်အထိတိုက်ခိုက်သွားမှာ ဖြစ်ပြီးတော့ ပြည်သူလူထုအနေနဲ့ ပူးပေါင်းပါဝင်ကြဖို့ တောင်းဆိုထားပါတယ်။
အဲဒီအသတ်ခံရတဲ့ ကိုမြင့်ဝင်းဟာ စစ်ကောင်စီသတင်းပေးလုပ်ကိုင်ပြီးတော့ တောင်တွင်းကြိုးမြို့က ပြည်သူတွေကို နည်းပေါင်းစုံနဲ့ ဒုက္ခပေးတာကြောင့် အခုလို အသတ်ခံရတာလို့ တောင်တွင်းကြီးမြို့ ဒေသခံတစ်ယောက်က ပြောပါတယ်။
