မက္ကဆီကိုနိုင်ငံ အနောက်ပိုင်းက ဂျလစ်ကိုပြည်နယ်မှာ မေ ၁၉ ရက်က လိုင်းကားတစီး တိမ်းမှောက်ပြီး လူ ၁၄ ယောက်သေဆုံး၊ အယောက် ၂၀ ဒဏ်ရာရတယ်လို့ အရေးပေါ် ကယ်ဆယ်ရေးအဖွဲ့က ပြောပါတယ်။
ပြည်နယ်အစိုးရလက်အောက်ခံ အရပ်သားကာကွယ်ရေးအဖွဲ့ရဲ့ တွစ်တာမှာ ဖော်ပြထားချက်အရ ကားပေါ်မှာ ဘယ်ရီသီးကုမ္ပဏီက အလုပ်သမားတွေကို တင်ဆောင်လာပြီး ဘရိတ်ပေါက်တာကြောင့် မတော်တဆဖြစ်တာလို့ ဆိုပါတယ်။
အနီးအနား စည်ပင်နယ်မြေ ၄ ခုက အရေးပေါ် ကယ်ဆယ်ရေးအဖွဲ့တွေ မတော်တဆဖြစ်တဲ့ နေရာကို ရောက်သွားပြီး ဒဏ်ရာရသူတွေကို အနီးဆုံး ဆေးရုံ ၂ ရုံကို ပို့ဆောင်ထားရတယ်လို့လည်း ပြောပါတယ်။
