ဘာကီနာဖှာဆိုနိုင်ငံရဲ့ မြို့တော်ဝါးဂါ့ဒူးဂူရဲ့ လမ်းတွေပေါ်မှာ လက်နက်ကိုင်တပ်ဖွဲ့တွေကို စက်တင်ဘာ ၃၀ ရက်မှာ မြင်တွေ့နေရပါတယ်။
မြို့တော်ရှိ ပင်မစစ်တပ်စခန်းနဲ့ လူနေရပ်ကွက်တချို့မှ သေနတ်သံတွေ ပြင်းပြင်းထန်ထန် ထွက်ပေါ်လာပြီး သမ္မတနန်းတော်အနီးမှာ ပေါက်ကွဲမှုကြီးတစ်ခုကို ကြားခဲ့ရကြောင်း ရိုက်တာ သတင်းက ဆိုပါတယ်။
စစ်သားအများအပြားဟာ သမ္မတအိမ်တော်ဆီ သွားရာလမ်းကြောင်းတလျှောက် နေရာတွေ ယူထားကြပြီး အစိုးရအဆောက်အအုံတွေနဲ့ နိုင်ငံပိုင်ရုပ်မြင်သံကြားဌာနမှာလည်း လမ်းပိတ်ချထား ပါတယ်။
ဒါဟာ ဘာကီနာဖှာဆို နိုင်ငံမှာ ဒီနှစ်အတွင်း နောက်ထပ် အာဏာသိမ်းဖို့ ကြိုးပမ်းမှု ဟုတ် မဟုတ် ရှင်းရှင်းလင်းလင်း မသိရသေးပါဘူး။
ဘာကီနာဖာဆိုမှာ ဇန်နဝါရီ ၂၄ ရက်က ဗိုလ်မှူးကြီး ပေါလ်ဟန်ရီဆန်ဒီယာဂို ဦးဆောင်တဲ့ စစ်အာဏာရှင်တွေက အာဏာသိမ်းခဲ့ပြီး သမ္မတရော့ခ်ခါဘိုရေးကို ဖြုတ်ချကာ အစိုးရကို ဖျက်သိမ်းခဲ့တာဖြစ်ပါတယ်။
