ကာတာကလပ်အယ်လ်ဆတ်နည်းပြ ဇာဗီဟာ ဘာစီလိုနာအသင်းရဲ့ ကမ်းလှမ်းမှုကို လက်ခံ သဘောတူလိုက်ပြီလို့ စပိန်သတင်းစာ AS က ဖော်ပြပါတယ်။
ဘာစီလိုနာအသင်းဟာ နည်းပြ ရော်နယ်ကိုးမန်းကို ထုတ်ပယ်လိုက်ပြီးနောက် အရန်အသင်းနည်းပြ ဆာဂျီဘာဟွမ်ကို ယာယီနည်းပြအဖြစ်ခန့်အပ်ကြောင်း တစ်ဆက်တည်းထုတ်ပြန်ခဲ့တာပါ။
အမြဲတမ်းနည်းပြရာထူးအတွက်တော့ အသင်းရဲ့ ဂန္ထဝင်ကွင်းလယ်လူ ဇာဗီကို ကမ်းလှမ်းခဲ့တာဖြစ်ပြီး မကြာခင်အချိန်မှာ စာချုပ် ချုပ်ဆိုဖို့ ရှိတယ်လို့သိရပါတယ်။
ဇာဗီဘက်ကတော့ ကာတာကလပ် အယ်လ်ဆတ်အသင်းက တာဝန်ရှိသူတွေကို နူတ်ဆက်လိုတာကြောင့် လာမယ့် နိုဝင်ဘာ ၄ ရက်နေ့ လာရောက်မယ်လို့ဆိုထားကြောင်း သိရပါတယ်။
ဇာဗီဟာ အယ်လ်ဆတ်နဲ့ ပေါင် ၈ သိန်း ၄ သောင်းလျော်ကြေးစာချုပ်ရှိပြီး ဘာစီလိုနာဘက်က အဲဒီပမာဏကို ပေးချေပြီး ခေါ်ယူလိုက်ရုံပဲရှိတယ်လို့ Sport သတင်းမှာဖော်ပြပါတယ်။
ဇာဗီဟာ ၂၀၁၅ ခုနှစ်ကတည်းက ဘာစီလိုနာကနေ ထွက်ခွာခဲ့တာဖြစ်ပြီး အယ်လ်ဆတ်အသင်းမှာ ကစာသမားဘဝကုန်ဆုံးရင်း နည်းပြချုပ်အဖြစ် ၂ ရာသီကြာကိုင်တွယ်ခဲ့ပါတယ်။
