မန်ယူအသင်းခံစစ်မှာ အမှားအယွင်းများပြီး ပုံံမှန်ခြေစွမ်းအောက်ရောက်နေတဲ့ မက်ဂွိုင်းယားကို အနားပေးသင့်ကြောင်း ယူနိုက်တက်တိုက်စစ်မှူးဟောင်း ဘာဘာတော့ဗ်က တိုက်တွန်းပါတယ်။
အင်္ဂလန်နောက်ခံလူဟာ မန်စီးတီးကို ၄ ဂိုး ၁ ဂိုး နဲ့ ရှုံးနိမ့်ခဲ့တဲ့ပွဲစဉ်မှာ အမှားအယွင်းများခဲ့ပြီး ပရိသတ်တွေနဲ့ ဘောလုံးကျွမ်း ကျင်သူတွေရဲ့ ဝေဖန်မှုခံခဲ့ရပါတယ်။
မက်ဂွိုင်းယားက အခုထက်ပိုကောင်းအောင် ကစားနိုင်သူဖြစ်ပေမယ့် လက်ရှိအချိန်မှာ ဖိအားတွေ ရင်ဆိုင်နေရတာကြောင့် အနားပေးသင့်တယ်လို့ ဘာဘာတော့ဗ်က ပြောပါတယ်။
“ဟာရီမက်ဂွိုင်းယားအနေနဲ့ အခုထက်ပိုကောင်းအောင် ကစားနိုင်တယ်ဆိုတာ သူကိုယ်တိုင် သိပါတယ်။ သူ့ရဲ့အမှားတွေက အသင်းကို ဦးဆောင်သွားဖို့အတွက် ထိခိုက်မှုတွေရှိနေတယ်။ သူ့ အနေနဲ့ နေရာယူမှုတွေနဲ့ ဆုံးဖြတ်ချက်တွေမှာ မှန်ကန်ဖို့လိုအပ်နေတယ်။ ဒါကို နည်းပြ ရန်းနစ်ခ်က ဖြေရှင်းနိုင်ဖို့လိုပါတယ်။ သူ့ကို အနားပေးပြီး တခြားသူတဦးကို အခွင့်အရေးပေးတာမျိုး လုပ် ဆောင်ဖို့ လိုအပ်ပါတယ်။”
မန်ချက်စတာဒါဘီပွဲစဉ်မှာ ယူနိုက်တက်ရဲ့ခြေစွမ်းက လက်ခံနိုင်စရာမရှိကြောင်း၊ ရလဒ်နဲ့ ပတ်သက်ပြီး ဒေါသထွက်ရသလို စိတ်ဝမ်းနည်းမှုလည်းဖြစ်ခဲ့ရကြောင့် တိုက်စစ်မှူးဟောင်း ဘာဘာတော့ဗ်က ပြောသွားပါတယ်။
