close

ဘိုင်ယန်

close

March 19, 2023

ဘိုင်ယန်အနေဖြင့် ဟာလန်းကို ကြောက်နေရန်မလိုဟု လိုသာမားသီးယက်စ် သုံးသပ်

ဘိုင်ယန်မြူးနစ်အသင်းအနေနဲ့ မန်စီးတီးတိုက်စစ်မှူးဟာလန်းကို ကြောက်လန့်နေဖို့ မလိုအပ်ကြောင်း ဂျာမန်ဂန္ထဝင်လိုသာမားသီးယက်စ်က ပြောသွားပါတယ်။

ဘိုင်ယန်မြူးနစ်အသင်းဟာ အခုနှစ်ချန်ပီယံ လိဂ်ကွာတားဖိုင်နယ်မှာ မန်စီးတီးနဲ့ ထိပ်တိုက် တွေ့ဆုံနေတာပါ။

မန်စီးတီးအသင်းဟာ ပုံစံကောင်းရရှိနေတဲ့အသင်းဆိုပေမဲ့ တိုက်စစ်မှူးဟာလန်းကတော့ ဘိုင်ယန်မြူးနစ်နဲ့ပွဲတွေအများကြီး ကစားခဲ့ဖူးပေမဲ့ ဂိုးအနည်းငယ်သာ သွင်းယူနိုင်ခဲ့တာဖြစ်ကြောင်း လိုသာမားသီးယက်စ်က ပြောပါတယ်။

ဟာလန်းဟာ ဒေါ့မွန်မှာရှိစဉ်က ဘိုင်ယန်မြူးနစ်နဲ့ ၇ ကြိမ်တွေ့ဆုံခဲ့ဖူးပြီး ၅ ဂိုးသွင်းယူနိုင်ခဲ့တာပါ။ ဒါပေမဲ့ အဲဒီ ၇ ပွဲမှာ နိုင်ပွဲမရရှိဖူးတာကြောင့် ဟာလန်းကိုကြောက်နေဖို့ မလိုအပ်ကြောင်း လိုသာမားသီးယက်စ်က စကိုင်းဂျာမနီနဲ့ အင်တာဗျူးမှာပြောပါတယ်။

နော်ဝေတိုက်စစ်မှူးဟာ ချန်ပီယံလိဂ် ၁၆ သင်းအဆင့် ဒုတိယအကျော့မှာ  တစ်ဦးတည်း ၅ ဂိုးသွင်းခဲ့သလို မနေ့ညက ကစားခဲ့တဲ့ ဘန်လေနဲ့ အက်ဖ်အေဖလားပွဲမှာလည်း ဟတ်ထရစ် သုံးဂိုးသွင်းယူခဲ့ပါတယ်။ 

7 days Ago

November 22, 2020

မန်ယူအသင်းသို့ ပြောင်းရွှေ့ရန် ဘိုင်ယန်နောက်ခံလူ ဆူးလာ စိတ်ဝင်စား

ဘိုင်ယန်မြူးနစ်နောက်ခံလူ နစ်ကလပ်ဆူးလာဟာ မန်ယူနိုက်တက်အသင်းဆီ ပြောင်းရွှေ့ မယ်လို့ သတင်းထွက်ပေါ်နေပါတယ်။  ၂၀၂၂ ခုနှစ်မှာ စာချုပ်သက်တမ်းကုန်ဆုံးမယ့် ဂျာမနီလက်ရွေးစင် ဆူးလာဟာ မန်ယူအသင်း ဆီ ပြောင်းရွှေ့ကစားနိုင်ဖို့ အိပ်မက်တခုဖြစ်တယ်လို့ ပြောခဲ့ဖူးပါတယ်။  အသက် ၂၅ နှစ်ပဲ ရှိသေးတဲ့ နစ်ကလပ်ဆူးလာဟာ ပြီးခဲ့တဲ့ရာသီက ဘိုင်ယန်အတွက် ၁၆ ပွဲ  ကစားခွင့်ရခဲ့ပါတယ်။  ကလပ်အသင်းမှာ ပွဲထွက်ခွင့်မရပေမဲ့ ဂျာမနီအသင်းကြီးမှာတော့ ပြန်လည်ရွေးချယ်ခံခဲ့ ရပါတယ်။  Bild သတင်းစာက ခရစ္စတီယန်ဖော့ခ်ကလည်း နောက်ခံလူ နစ်ကလပ်ဆူးလာဟာ တချိန်မှာ မန်ယူနိုက်တက်အသင်းမှာ ကစားဖို့ အိပ်မက်ရှိတယ်လို့ တွစ်တာကနေ ရေးသားခဲ့ပါတယ်။  အရပ် ၆ ပေ ၅ လက်မရှိတဲ့ ဆူးလာဟာ ဂျာမနီလက်ရွေးစင်အတွက် ၂၉ ပွဲ ကစားထားပြီး ထွန်းတောက်လာမယ့် ကစားသမားအဖြစ် သတ်မှတ်ခံခဲ့ရသူဖြစ်ပါတယ်။ 
2 years Ago
Up