ထောင်ကျခံနေရတဲ့ ဘဲလာရုစ် အတိုက်အခံ ခေါင်းဆောင်နဲ့ တက်ကြွလှုပ်ရှားသူ မာရီယာ ကိုလက်စ်နီကိုဗာဟာ ကိုးကြိမ်မြောက် ဗားဆလက်ဟာဗဲ လူ့အခွင့်အရေးဆုကို စက်တင်ဘာ ၂၇ ရက်က ရရှိခဲ့ပါတယ်။
လူ့အခွင့်အရေးကို ခုခံကာကွယ်ရာမှာ လူ့အဖွဲ့အစည်းအတွင်း ထူးချွန်ပြောင်မြောက်အောင် ဆောင်ရွက်နိုင်သူတွေကို ဂုဏ်ပြုတဲ့အနေနဲ့ ဒီဆုကို ပေးတာပါ။
စထရပ်စ်ဘာ့ဂ်မြို့မှာ ရှိတဲ့ ဥရောပကောင်စီ လွှတ်တော်အစည်းအဝေးအတွင်း ဆောင်းဦးစုံညီ အစည်းအဝေး ပထမနေ့မှာ စတာလင်ပေါင် ၆ သောင်းကို ဆုချလိုက်တာပါ။
ကိုလက်စ်နီကိုဗာရဲ့ ညီမဖြစ်သူက အစ်မကိုယ်စားဆုကို လက်ခံရယူခဲ့ပါတယ်။ စက်တင်ဘာလက ကိုလက်စ်နီကိုဗာဟာ သူ့ရဲ့ နိုင်ငံရေးလှုပ်ရှားမှုတွေကြောင့် ထောင်ဒဏ် ၁၁ နှစ် ပြစ်ဒဏ်စီရင်ခံရလို့ အနောက်နိုင်ငံတွေက ဘဲလာရုစ်အစိုးရကို ပြစ်တင် ဝေဖန်ခဲ့ကြပါတယ်။
အသက် ၃၉ နှစ်အရွယ် ကိုလက်စ်နီကိုဗာဟာ မနှစ်က ဘဲလာရုစ်သမ္မတ အလက်ဇန်းဒါး လူကာရှန်ကို ကို ဆန့်ကျင်တဲ့ လူထုဆန္ဒပြပွဲကို ဦးဆောင်သူတွေထဲက တယောက်ပါ။ သမ္မတဟာ ၂၇ နှစ်တာ အုပ်ချုပ်ရေးကို မနှစ်က အကြီးဆုံးဆန့်ကျင်တာ ခံခဲ့ရပါတယ်။
