မကွေးတိုင်း၊ ရေစကြိုမြို့ နယ်အတွင်း မင်္ဂလာဆောင်ပွဲတွေ ကျင်းပမယ်ဆိုရင် စစ်ကောင်စီတပ်ကို ငွေကျပ် ငါးသောင်း ဆက်ကြေးပေးပြီးမှ ဆောင်ရတယ်လို့ ဒေသခံတွေဆီက သိရပါတယ်။
စစ်ကောင်စီတွေ တပ်စွဲထားတဲ့နေရာတွေမှာ မင်္ဂလာဆောင် ကျေးမွေးဧည့်ခံတဲ့ ထမင်းဟင်း အပါအဝင် ငွေကျပ် ငါးသောင်းပေးပြီးမှ မင်္ဂလာဆောင်ရတယ်လို့ သိရပါတယ်။
“ဟုတ်တယ်၊ သူတို့တွေကို ကြောက်လို့ ချက်တဲ့ ဒံပေါက်တွေရယ် ကြက်သားတွေရယ် သွားပို့ပေးရတယ်။ ပြီးတော့ ငွေငါးသောင်းလည်း တောင်းလို့ ပေးရတယ်။ မင်္ဂလာဆောင်နေတုန်း လာဖျက်ဆီးတာတွေ သေနတ်နဲ့လာပစ်မှာတွေကို ကြောက်တော့ ပေးရတာပဲလေ” လို့ ဒေသခံတဦးက ပြောပါတယ်။
ကျေးရွာဒေသခံတစ်ဦးက “ဟိုဘက်ရွာတွေမှာ ပေးရတယ်လို့တော့ ကြားတယ်။ ကျနော်တို့ ရွာတော့ မပေးရသေးဘူး။ ၃ သိန်းတောင်းမယ်လို့လည်း ကြားနေတာတွေရှိတယ်။ တချို့က ရွာ အုပ်ချုပ်ရေးမှူးကို ပေးရတယ်လို့လည်း ပြောတယ်” လို့ ပြောပါတယ်။
ဒီဇင်ဘာ ၁၉ ရက်ညက ရေစကြိုမြို့ အမှတ်(၁) ထင်းတန်းရပ်ကွက်က စစ်ကောင်စီ ထောက်ခံ အားပေးသူ ရှေ့နေတစ်ဦးရဲ့ နေအိမ် ဗုံးပေါက်ကွဲမှုဖြစ်ပွားခဲ့တယ်လို့ သိရပြီး ပျူစောထီး အဖွဲ့ဝင်တွေနဲ့ စစ်ကောင်စီတွေ ဝင်ထွက်သွားလာတောကြောင့် အခုလို ဖောက်ခွဲသတိပေး ခံခဲ့ရတာလို့ ဒေသခံတွေက ဆိုပါတယ်။
“PDF အဖွဲ့အစည်းတစ်ခုက လာဖောက်သွားတာပါ။ ပေါက်ကွဲချိန်ကတော့ ည ၇ နာရီခွဲလောက်က ဖြစ်မယ်ထင်တယ်” လို့ ဒေသခံတစ်ဦးကပြောပါတယ်။
ကိုလံဘီယာအာဏာပိုင်တွေဟာ နိုင်ငံအနောက်မြောက်ပိုင်း အန်တီယိုကီယာနယ်မြေက အူရာမိတာမြို့မှာ Gulf Clan အမည်ရ မူးယစ်ဆေးဝါးဂိုဏ်းနဲ့ အရန်တပ်ဖွဲ့၀င် ဓားရှည် ခေါ် လူးဝစ္စ ဒန်နီယယ် ဆန်တားနားကို သြဂုတ် ၁၈ ရက် သူ့ရဲ့မင်္လာဆောင်မှာ ဖမ်းဆီးရမိခဲ့ပါတယ်။
ဆန်တားနားဟာ ဂိုဏ်းအတွက် ထောက်ပံ့ပို့ဆောင်ရေးနဲ့ လုံခြုံရေးဆိုင်ရာ ညှိနှိုင်းရေးမှူး တစ်ယောက်ဖြစ်တယ်လို့ အစိုးရရှေ့နေရုံးက ဖော်ထုတ်ခဲ့ပါတယ်။
သူ့ကို အာဏာပိုင်တွေက ၂၀၁၇ ခုနှစ်ကတည်းက ရှာဖွေနေတာလို့ ရာဇ၀တ်ဂိုဏ်းများ နှိမ်နင်းရေးအဖွဲ့ရဲ့ ညွှန်ကြားရေးမှူး ကာလို့စ်ရိုဘတ်တို အီကီယက်ဒိုက ပြောပါတယ်။
ဒေသခံမီဒီယာတွေရဲ့ဖော်ပြချက်အရ ဆန်တားနားဟာ အန်တီယိုကီယာ တောင်ပေါ်ဒေသ မှာ ပုန်းအောင်းနေတာဖြစ်ပြီး မင်္ဂလာဆောင်ဖို့ ပုန်းအောင်းတဲ့နေရာကနေ ထွက်ခွာချိန်မှာ အာဏာပိုင်တွေက အခွင့်အရေးကို အမိအရဆုပ်ကိုင်ခဲ့တာ ဖြစ်ပါတယ်။
