close

မန်ယူကွင်းလယ်လူ

close

May 10, 2023

2023 Laureus World Comeback of the year ဆုကို မန်ယူကွင်းလယ်လူ အဲရစ်ဆန် ရရှိ

မန်ချက်စတာယူနိုက်တက်နဲ့ ဒိန်းမတ်ကစားသမား အဲရစ်ဆန်ဟာ ပြင်သစ်နိုင်ငံ ပဲရစ်မြို့မှာ မေ ၈ ရက်က ကျင်းပတဲ့ Laureus World Sports Award ကနေ ချီးမြှင့်တဲ့ World Comeback of the year ဆုကို ရရှိခဲ့ပါတယ်။

ဖင်လန်နဲ့ကစားခဲ့တဲ့ ယူရို ၂၀၂၀ ပြိုင်ပွဲတုန်းက နှလုံးရောဂါပြဿနာကြောင့် ကွင်းထဲ လဲကျခဲ့ပြီးနောက်ပိုင်း နှလုံးစက်တပ်ဆင်ခဲ့ရတာကြောင့် ဘောလုံးသမားဘဝကနေ အနားယူဖို့ နီးစပ်ခဲ့ပေမဲ့ ဘောလုံးသမားဘဝကို ပြန်လည်ဖြတ်သန်းနိုင်ခဲ့တာကြောင့် ဒီဆုကို ချီးမြှင့်ခံခဲ့ရတာ ဖြစ်ပါတယ်။

“လွန်ခဲ့တဲ့ တနှစ်ခွဲက မယုံနိုင်လောက်အောင် အတက်အကျတွေ အများကြီးပါပဲ။ အကြီးမားဆုံးကျဆင်းမှုက အဲ့ဒီအချိန်မှာရောက်လာပြီး ကျနော့်ဘဝကို အဆိုးဆုံးဖြစ်အောင် ပြောင်းလဲလိုက်ပေမဲ့ ကံကောင်းထောက်မစွာဘဲ ဆရာဝန်တွေ၊ ဆေးမှူးတွေနဲ့ ကျနော့်ရဲ့ အသင်းဖော်တွေက မြန်မြန်ဆန်ဆန်တုံ့ပြန်ပြီး ကျနော့်ကို ပြန်ရခဲ့တယ်” လို့ အဲရစ်ဆန်က ဆုပေးပွဲမှာ ပြောကြားခဲ့ပါတယ်။

Laureus World Sport Award ကို ၁၉၉၉ ခုနှစ်က စတင်ချီးမြှင့်ခဲ့ပြီး တနှစ်တာလုံး အားကစားအောင်မြင်မှုတွေနဲ့အတူ အားကစားလောကမှ ကစားသမားတဦးချင်းနဲ့ အသင်းတွေကို နှစ်စဉ် ဂုဏ်ပြုချီးမြှင့်တဲ့ ဆုပေးပွဲဖြစ်ပါတယ်။

14 mins Ago

October 11, 2020

မန်ယူကွင်းလယ်လူကို မြင့်မားသည့်လုပ်ခဖြင့် ဆော်ဒီကလပ်ကမ်းလှမ်း

မန်ယူကွင်းလယ်လူ မာတာကို  ဆော်ဒီကလပ်တွေက မြင့်မားတဲ့လုပ်ခနဲ့ ခေါ်ယူဖို့ ကမ်းလှမ်း ထားတယ်လို့ သိရပါတယ်။  အသက် ၃၂ နှစ်ရှိပြီဖြစ်တဲ့ စပိန်ကွင်းလယ်လူ မာတာဟာ မန်ယူမှာ ပုံမှန်ပွဲထွက်ခွင့်မရ ဖြစ်နေပြီး လိဂ်ဖလားပွဲစဉ်တွေမှာပဲ ကစားနေရတာပါ။  အပြောင်းအရွှေ့ ကျွမ်းကျင်သူတဦးဖြစ်တဲ့ မက်ဂရေးကတော့ မာတာကို ခေါ်ယူဖို့ အမည်ဖော်ပြလိုခြင်းမရှိတဲ့ ဆော်ဒီအာရေဗျကလပ်အသင်းတသင်းက စိတ်ဝင်စားနေပြီး မက်လောက်စရာလုပ်ခပေးနဲ့ ကမ်းလှမ်းထားတယ်လို့ ဆိုပါတယ်။  မာတာအနေနဲ့ တစ်နှစ်ကိုလုပ်ခ ပေါင် ၁၅ သန်း အထိရရှိနိုင်မယ်လို့ သိရပါတယ်။ ပြီးခဲ့တဲ့နှစ်က ၃၇ ပွဲ ကစားခဲ့ရတဲ့ မာတာဟာ အခုနှစ်မှာတော့ ကစားသမားသစ်တွေ ရောက်ရှိလာတာကြောင့် ပွဲကစားခွင့်နည်းပါးနေတာပါ။ ၂၀၁၄ ခုနှစ်က ချဲလ်ဆီးကနေ အဲဒီအချိန်က ကလပ်စံချိန်တင်ပြောင်းရွှေ့ကြေးဖြစ်တဲ့  ပေါင် ၃၇ ဒသမ ၁ သန်းနဲ့ ပြောင်းရွှေ့လာခဲ့တဲ့ မာတာဟာ မန်ယူအတွက်စု စုပေါင်း ၂၅၇ ပွဲ ကစားခဲ့ပြီး ဂိုး ၅၀ သွင်းယူပေးထားပါတယ်။ 
3 years Ago
Up