အာဂျင်တီးနားတိုက်စစ်မှူးမက်ဆီဟာ ရင်ဆိုင်ခဲ့ဖူးသမျှ ထိန်းချုပ်ရအခက်ခဲဆုံးကစားသမားဖြစ် ကြောင်း ဘရာဇီးနဲ့ ရီးရဲလ်နောက်ခံလူဟောင်း မာဆယ်လိုက ပြောပါတယ်။
မာဆယ်လိုဟာ လက်ရှိအချိန်မှာ ဘရာဇီးကလပ် ဖလူမင်နိစ်အသင်းမှာ ဆက်လက်ကစားနေပြီး ရီးရဲလ်မက်ဒရစ်မှာကစားစဉ်က ဘာစီလိုနာကစားသမားဟောင်း မက်ဆီနဲ့ အကြိမ်ပေါင်းများစွာ ရင်ဆိုင်ခဲ့ဖူးပါတယ်။
ရီးရဲလ်မှာကစားခဲ့တဲ့ ၁၅ နှစ်ကာလအတွင်းမှာ အယ်လ်ကလက်စီကို ဒါဘီပွဲစဉ်တွေမှာ ဘာစီလိုနာက ၁၆ ပွဲ နိုင်ပြီး ရီးရဲလ်က ၁၂ ပွဲအနိုင်ရခဲ့ပါတယ်။
မာဆယ်လိုကတော့ မက်ဆီဟာ အလွန်ထူးချွန်တဲ့ ပါရမီရှင် ကစားသမားဖြစ်ပြီး ရင်ဆိုင်တွေ့ခဲ့ဖူးသမျှ အခက်ခဲဆုံးကစားသမားလည်းဖြစ်တယ်လို့ The Athletic နဲ့ အင်တာဗျူးမှာပြောပါတယ်။
ဒါ့အပြင် မက်ဆီဟာ လက်ရှိအချိန်မှာ အသက် ၃၅ နှစ်ရှိနေပြီဖြစ်ပေမဲ့ အရင်ကလိုခြေစွမ်းအတိုင်း ပြသနိုင်နေဆဲဖြစ်တယ်လိုလည်း မာဆယ်လိုက ချီးကျူးခဲ့ပါတယ်။
