ချီလီနိုင်ငံအတွင်းက မအေးချမ်းတဲ့ မာပူချေဒေသမှာ ဧပြီ ၂၈ ရက်က မီးရှို့တိုက်ခိုက်မှုအတွင်း ကားစီးရေ ၂ ဒါဇင်ကျော် ပျက်စီးခဲ့ပါတယ်။
ချီလီတောင်ပိုင်း ဘီအိုဘီအို ဒေသထဲက တိုက်ခိုက်မှုမှာ မျက်နှာဖုံးစွပ်ထားသူတွေက ပုဂ္ဂလိကပိုင် ကား ၃ စီး အပါအဝင် ကုန်ကား ၃၃ စီးကို မီးရှို့ခဲ့တယ်လို့ ဒေသခံ မီဒီယာတွေက ပြောပါတယ်။
ဒီဒေသမှာ ဘိုးဘွားပိုင်မြေတွေကို ပြန်ရရေး တောင်းဆိုနေတဲ့ မာပူချေ တိုင်းရင်းသားအုပ်စုနဲ့ အစိုးရကြား အခြေအနေ တင်းမာနေတာပါ။
ဒီလိုပြဿနာတွေ ကြုံနေတာ အချိန်နည်းနည်း ကြာနေပြီး အဖမ်းအဆီး မရှိသလို ဖမ်းလည်း ပြန်လွှတ်ပေးနေလို့ တိုက်ခိုက်တာတွေ ဆက်ရှိနေတယ်လို့ နာမည်မဖော်တဲ့ ဒေသခံတယောက်က ပြောပါတယ်။
ကျန်ခဲ့တဲ့ ဆယ်စုနှစ်အတွင်း ချီလီနိုင်ငံရဲ့ အကြီးဆုံး တိုင်းရင်းသားအုပ်စုဖြစ်တဲ့ မာပူချေ တိုင်းရင်းသားတွေရဲ့ ဇာတိမြေ ဘီအိုဘီအိုနဲ့ အာရောင်ကာနာ ဒေသတွေမှာ လယ်ယာမြေတွေ၊ စက်ပစ္စည်းတွေ၊ ကုန်ကားတွေကို မီးရှို့တိုက်ခိုက်တာ အပါအဝင် အကြမ်းဖက်တာတွေ ပိုတိုးလာနေတယ်လို့ ရိုက်တာသတင်းမှာ ဖော်ပြပါတယ်။
