အာဏာသိမ်းခံခဲ့ရတဲ့ မာလီသမ္မတဟောင်း အီဘရာဟင်မ်ဘောင်ဘာကာဟာ အသက် ၇၆ နှစ်အရွယ်မှာ ကွယ်လွန်သွားပြီလို့ သူ့ရဲ့ တရားရေး ဝန်ကြီးဟောင်းနဲ့ အကြံပေးဟောင်းက ရိုက်တာသတင်းဌာနကို ဇန်နဝါရီ ၁၆ ရက်မှာ ပြောပါတယ်။
သမ္မတဟောင်းဟာ မြို့တော်ဘာမာကိုက သူ့အိမ်မှာပဲ သေဆုံးခဲ့တာဖြစ်ပြီး သေဆုံးရတဲ့အကြောင်းရင်းကို ရှင်းရှင်းလင်းလင်း မသိရသေးဘူးလို့ အကြံပေးဟောင်းက ပြောပါတယ်။
IBK လို့ သိကြတဲ့ ခေးတာဟာ အနောက်အာဖရိကဒေသက မာလီနိုင်ငံကို ၂၀၁၃ စက်တင်ဘာကနေ ၂၀၂၀ ဩဂုတ်ထိ အုပ်ချုပ်ခဲ့သူပါ။
အဲဒီကာလအတွင်း နိုင်ငံအလယ်ပိုင်းနဲ့ မြောက်ပိုင်းက နေရာကျယ်ကျယ်ပြန့်ပြန့်မှာ အကြမ်းဖက် အစ္စလာမစ်သူပုန်ထမှုကို ရင်ဆိုင်ရလို့ သူ့အပေါ် လူကြိုက်များမှု ကျဆင်းခဲ့ပါတယ်။
အဲဒီနောက်အစိုးရဆန့်ကျင်ရေး ဆန္ဒပြပွဲတွေ လချီ ပေါ်ပေါက်ခဲ့အပြီး စစ်တပ်က အာဏာသိမ်းခဲ့ကာ သူ့ကို ရာထူးက ဖြုတ်ချခဲ့တာပါ။
