အီတလီတတိယတန်း လိဂ်ပွဲစဉ်မှာ ဂိုးသမားတဦးက နာကျင်အချိန်ပိုမှာ အနိုင်ဂိုး သွင်းယူ နိုင်ခဲ့ပါတယ်။
မိုဒီနာအသင်းနဲ့ အီမိုလီဆီတို့ရဲ့ စီးရီးစီ အုပ်စု B ပွဲစဉ်မှာ မိနစ် ၉၀ အထိ ၁ ဂိုး စီသရေကျနေခဲ့တာပါ။
ဒါပေမယ့် ပွဲချိန် ၉၁ မိနစ်မှာ မိုဒီနာအသင်းဂိုးသမား ရီကာဒိုဂတ်နိုက ဂိုးဧရိယာထိပ်ကနေ ပြိုင်ဘက် ဂိုးပေါက်ဆီကို လှမ်းကန်တင်ခဲ့ရာမှာ ပင်နယ်တီစည်းထဲမှာ တချက်ထောက်ကာ ဂိုးသမားကို ကျော်ပြီး ဂိုးဝင်သွားခဲ့တာပါ။
အဲဒီအနိုင်ဂိုးဟာ မိုဒီနာအသင်းအတွက် အရေးပါခဲ့ပြီး စီးရီးဘီကို တန်းတက်နိုင်ဖို့အတွက် အခြေအနေကောင်းသွားခဲ့ပါတယ်။
မိုဒီနာအသင်းဟာ လက်ကျန် ၂ ပွဲအလိုမှာ ဒုတိယနေရာက ရက်ဂျီးနားအသင်းကို ၄ မှတ်ဖြတ်ထားပြီး လက်ကျန် ၂ ပွဲမှာ ၁ မှတ်ရရှိရုံ နဲ့ တန်းတက်ကစားခွင့်ရရှိမှာပါ။
အသက်၂၄နှစ်ရှိ အီတလီဂိုးသမား ဂတ်နိုဟာ သူ့ကစားသမားဘဝရဲ့ ပထမဆုံး သွင်းဂိုး သွင်းယူနိုင်ခဲ့တာလည်းဖြစ်ပါတယ်။
