ရှမ်းပြည်နယ်မြောက်ပိုင်း၊ မူဆယ်မြို့နယ်၊ နမ့်အွမ်ရွာနားက ဆိုင်းခေါင်ရွာမှာ မေ ၁၂ ရက်နေ့ reuf ၁၁ နာရီ ဝန်းကျင်က မိုးသည်းထန်ပြီး ရေကြီး မြေပြိုတာကြောင့် အမျိုးသား ၄ ယောက် သေဆုံးသွားတယ်လို့ ဒေသခံတွေက ပြောပါတယ်။

ဆိုင်းခေါင်ရွာခံ ကိုအိုက်ပေါင်းက “မနေ့က ၁၁ နာရီခွဲလောက်ဖြစ်သွားတာ၊ မြေပြိုတာဗျ။ သူတို့က ဆိုင်းခေါင်ရွာရဲ့ ဘေးမှာ ချောင်းဘေးမှာ တဲထိုးပြီးမှ နေတာလေ။ အုတ်တံတိုင်းရဲ့ဘေးမှာ သူတို့က တဲထိုးပြီးနေတာ။ မြေက ပြိုလိုက်လို့ အဲအုတ်တံတိုင်း သူတို့ကို ပိလိုက်တာ” လို့ ပြောပါတယ်။

သေဆုံးသွားသူတွေက မကွေးတိုင်းဒေသကြီး ချောက်မြို့နယ်က ကိုအောင်ကိုဝင်း (၃၈) နှစ်၊ ကိုအောင်မိုး (၃၀) နှစ်၊ ကိုကျော်ဆန်း (၂၉) နှစ်နဲ့ အသက် ၂၀ အရွယ် နိုင်ထွန်းအောင်တို့ဖြစ်ပြီး ကြံခုတ်လုပ်သားတွေ ဖြစ်ကြတယ်လို့ ဆိုပါတယ်။

နမ့်အွမ်ဒေသခံတဦးက "သေသွားတာ ယောက်ျားတွေချည်း ၄ ယောက်။ အောက်မြန်မာပြည်ဘက်က ကြံလာခုတ်ကြတာ။ အားလုံး ဗမာလူမျိုးပဲ။ သူတို့နေတဲ့ အိမ်နား မြေပြိုလာတာ" လို့ ရှင်းပြပါတယ်။

မူဆယ်၊ မုန်းကိုး၊ မန့်ဟီရိုး (မန်ဟျှိုး)၊ ပန်ဆိုင်း(ကြူကုတ်)၊ နမ့်ခမ်း၊ ကွတ်ခိုင်၊ တာမိုးညဲ ဒေသတွေမှာ မေ ၁၂ ရက်နေ့ ညနေ ၆ နာရီခွဲမှ နောက် ၂၄ နာရီ အတွင်း မိုးကြီးရေလျှံနိုင်ကြောင်း ထုတ်ပြန်ထားပါတယ်။

နီပေါနိုင်ငံမှာ သုံးရက်ကြာ မိုးကြီးလို့ မြေပြိုပြီး တောင်ကျရေတွေ ရုတ်တရက် ထိုးကျ ရေကြီးခဲ့အပြီး လူ ၄၃ ယောက်ထက် မနည်း သေဆုံးခဲ့ပါတယ်။

တခြားလူ အယောက် ၃၀ လည်း ပျောက်နေတယ်လို့ ရဲတွေက အောက်တိုဘာ ၂၀ရက်မှာ ပြောပါတယ်။

ဒါ့အပြင် လူအယောက် ၂ ဒါဇင်ကျော်လည်း ဒဏ်ရာရခဲ့ပြီး တောင်ထူတဲ့ နိုင်ငံတဝန်း ဆေးရုံတွေမှာ ဆေးကုသ ခံနေရတယ်လို့ ရဲတပ်ဖွဲ့ ပြောခွင့်ရ ဘာဆန်တာ ခွန်ဝါက ပြောပါတယ်။

မြို့တော် ခတ္တမန္ဒူရဲ့ အနောက်ဘက် မိုင်၂၂၀ အကွာက စေတီရွာမှာ ၂ ရက်လောက် ရေဘေးသင့်ပြီး ဘယ်မှ မထွက်နိုင်ဘဲ သောင်တင်နေတဲ့ လူအယောက် ၆၀ လောက်ဆီကို ရောက်ဖို့ ကြိုးစားနေပေမယ့် မိုးအဆက်မပြတ် ရွာနေလို့ မသွားနိုင်ဘဲ ဖြစ်နေပါတယ်။

မနေ့တည်းက ရာသီဥတု ဆိုးပြီး မိုးအဆက်မပြတ် ရွာနေလို့ ကယ်ဆယ်ရေးသမားတွေ ရွာဆီ မရောက်နိုင်သေးဘူး ဒီနေ့ ဆက်ပြီး ကယ်ဖို့ ကြိုးစားနေတယ်လို့ ခွန်ဝါက ရိုက်တာ သတင်းဌာနကို ပြောပါတယ်။

မြစ်ရေလျှံလို့ တံတားတွေ လမ်းတွေနဲ့ အိမ်တွေပါ မျောပါကုန်ပါတယ်ပြီး စပါးခင်းတွေ ရေမြုပ်နေတဲ့ပုံတွေ ရေတိုက်စား ခံလိုက်ရတဲ့ ပုံတွေကို ရုပ်သံလိုင်းတွေက ပြပါတယ်။

နီပေါနိုင်ငံမှာ ပုံမှန်အားဖြင့် နှစ်စဉ် ဇူလိုင် လလယ်ပိုင်းကနေ စက်တင်ဘာလ အထိ မုတ်သုံရာသီအတွင်း ရေကြီး မြေပြိုတာတွေ ဖြစ်နေကျပါ။ လာမယ့်ရက်တွေမှာ မိုးပိုရွာနိုင်တယ်လို့ အာဏာပိုင်တွေက သတိပေး ထားပါတယ်။