ကရင်အမျိုးသားအစည်းအရုံး ကေအန်ယူ မူတြော်ခရိုင် တပ်မဟာ (၅) နယ်မြေမှာ ၂၀၂၃ ခု မတ်လ တလတာအတွင်း တိုက်ပွဲပေါင်း ၁၉၀ ဖြစ်ပွားခဲ့ပြီး စစ်ကောင်စီတပ်ဘက်က တပ်ခွဲမှူးတဦးအပါအဝင် ၉၀ ကျော် သေဆုံးသွားခဲ့ကြောင်း ကေအန်ယူမူတြော်ခရိုင်က ထုတ်ပြန်ပါ တယ်။
KNLA-အမှတ်(၅)တပ်မဟာနဲ့ စစ်ကောင်စီအပါအဝင် သူတို့ရဲ့ခါးပိုက်ဆောင် BGF (နယ်ခြားစောင့်တပ်)အကြား ထိတွေ့တိုက်ပွဲပေါင်း ၁၉၀ ကြိမ်ဖြစ်ပွားခဲ့ရာ စစ်ကောင်စီဘက်က ၉၂ ဦး သေဆုံးပြီး ၄၅ ဦး ဒဏ်ရာရရှိကြောင်း ဖော်ပြပါတယ်။
သေဆုံးသွားတဲ့အထဲမှာ တပ်ခွဲမှူးအဆင့်ရှိသူတဦးပါဝင်သလို တပ်ကြပ်ကြီး ၂ ဦးလည်း ပါဝင်ပြီး သူတို့ရဲ့ စစ်သုံးမော်တော်ယာဉ် ၃ စီးနဲ့ ဆိုင်ကယ်တစီးကိုလည်း သိမ်းဆည်းရမိတယ်လို့ ဆိုပါတယ်။ ဖော်ပြပါတယ်။
ကရင်အမျိုးသားလွတ်မြောက်ရေးတပ်မတော်ဘက်ကလည်း ၄ ဦးသေဆုံးပြီး ၁၄ ဦး ဒဏ်ရာရရှိသွားခဲ့တယ်လို့ ဆိုပါတယ်။
စစ်ကောင်စီရဲ့ လေကြောင်းတိုက်ခိုက်မှု ၂ ကြိမ်ရှိခဲ့ပြီး လက်နက်ကြီး ၁၄၂ လုံးပစ်ခတ်ခဲ့ရာ အပြစ်မဲ့ပြည်သူ ၁ ဦး ထိခိုက်သေဆုံးခဲ့ရပြီး ၅ ဦး ဒဏ်ရာရ ရှိသွားခဲ့ကြောင်းလည်း ဖော်ပြပါတယ်။
ဧပြီ ၁ ရက် ညကလည်း မထောအခြေစိုက် စစ်ကောင်စီတပ်စခန်းကနေပြီး မူတြော်ခရိုင်၊ ဒွယ်လိုးမြို့နယ်၊ ဖွေးထော်ရူရွာအတွင်းသို့ အမြောက်နဲ့ ပစ်ခတ်ခဲ့တဲ့အတွက် အသက် ၇၂ အရွယ် အဘွားအို နော်မဆွေသန်းပွဲချင်းပြီး သေဆုံးသွားခဲ့ရပြီး ရွာသား ၄ ဦးလည်း အပြင်းအထန် ဒဏ်ရာရရှိခဲ့ပါတယ်။
ကရင်ပြည်နယ်၊ ဖာပွန်ခရိုင် ကေအန်ယူ တပ်မဟာ ၅ နယ်မြေ သံလွင်မြစ်ကမ်းပေါ်ရှိ မယ်ခါးထာ့စစ်ကောင်စီ တပ်စခန်းကို ကရင်အမျိုးသားလွတ်မြောက်ရေးတပ်မတော် (KNLA)က မတ်လ ၂၈ ရက် မနက်ပိုင်းမှာ တိုက်ခိုက်သိမ်းခဲ့ပါတယ်။
နိုဝင်ဘာ ၁ လတာအတွင်း မူတြော်ခရိုင်တပ်မဟာ ၅ မှာ တိုက်ပွဲပေါင်း ၁၁၆ ကြိမ်ဖြစ်ပွားခဲ့ပြီး စစ်ကောင်တပ်နဲ့ BGF တပ်ဖွဲ့ဝင် ၉၆ ဦး သေဆုံး၊ ၅၁ ဦး ဒဏ်ရာရရှိခဲ့တယ်လို့ ကေအန်ယူ မူတြော်ခရိုင်က သတင်းထုတ်ပြန်ထားပါတယ်။
ထိတွေ့တိုက်ပွဲတွေအတွင်း စစ်ကောင်စီတပ်နဲ့ လက်အောက်ခံ BGF တပ်ဖွဲ့ဝင် ၉၆ ဦး သေဆုံးခဲ့ပြီး သေဆုံးသူတွေထဲမှာ တပ်ကြပ်တဦးပါဝင်သလို ဒဏ်ရာရသူတွေထဲမှာ အရာရှိတဦး ပါဝင်ကာ မော်တော်ယာဉ်တစီးကိုလည်း ဖျက်ဆီးနိုင်ခဲ့တယ်လို့ ထုတ်ပြန်ထားပါတယ်။
ကရင်အမျိုးသားအစည်းအရုံး (KNU)၊ မူတြော်ခရိုင်၊ အမှတ်(၅) တပ်မဟာထိန်းချုပ်နယ်မြေအတွင်း အကြမ်းဖက်စစ်ကောင်စီတပ်နဲ့ လက်အောက်ခံ BGF- နယ်ခြားစောင့်တပ်တွေက နယ်မြေကျူးကျော် ဝင်ရောက်လာပြီး လူ့အခွင့်အရေးပေါင်းစုံ ချိုးဖောက်တဲ့အတွက် ကရင်အမျိုးသားလွတ်မြောက်ရေး တပ်ဖွဲ့ဝင်တွေနဲ့ ရင်ဆိုင်တိုက်ပွဲတွေ ဖြစ်ပွားခဲ့တာလို့ ဆိုပါတယ်။
ထိတွေ့ရင်ဆိုင်တိုက်ပွဲအတွင်း KNLA-ကရင်အမျိုးသားလွတ်မြောက်ရေးတပ်မတော်၊ အမှတ်( ၅) တပ်မဟာက စစ်သည်တော် ၉ ဦး တိုင်းပြည်နဲ့ လူမျိုးအတွက်အသက်စွန့်လိုက်ရပြီး ၂၆ ဦး ထိခိုက်ဒဏ်ရာရရှိခဲ့တယ်လို့ ဖော်ပြပါတယ်။
ဒါ့အပြင် မူတြော်ခရိုင် မြို့နယ် ၃ မြို့နယ်အတွင်းရှိ အပြစ်မဲ့ပြည်သူတွေရဲ့ ဥယျာဉ်ခြံမြေနဲ့ အများပြည်သူ အသက်မွေးဝမ်းကြောင်းပြုရာ လမ်းတွေကို စစ်ကောင်စီတပ်က ကုန်းကြောင်း၊ ရေကြောင်းေနေ လက်နက်ကြီး ၅၅ လုံးတိတိ ပစ်ခတ်ခဲ့တယ်လို့ ဆိုပါတယ်။
ဒါ့အပြင် စစ်ကောင်စီဘက်က ၄ ကြိမ် တိုက်ခိုက်ခဲ့ပြီး ဗုံးသီး ၂၂ လုံးကို တပ်မဟာ ထိန်းချုပ်နေရာ ၄ ခုမှာ ကြဲချခဲ့တဲ့အတွက် လူနေအိမ်၊ စာသင်ကျောင်းနဲ့ ဘုရားကျောင်းတွေ ကြေမွပျက်စီးခဲ့ရတယ်လို့ ထုတ်ပြန်ထားပါတယ်။
