ကွင်းလယ်လူ မေဆန်မောင့်နဲ့ နောက်ခံလူ ရိစ်ဂျိမ်းစ်တို့ဟာ ဒဏ်ရာပြဿနာတွေကြောင့် ရာသီကုန်အထိ အနားယူရတော့မှာဖြစ်ကြောင်း ချဲလ်ဆီးနည်းပြ လမ်းပတ်က ပြောပါတယ်။

ညာနောက်ခံလူ ဂျိမ်းစ်ဟာ ရီးရဲလ်မက်ဒရစ်နဲ့ ကစားခဲ့တဲ့ ချန်ပီယံလိဂ်ပွဲစဉ်မှာ တံကောက်ကြောဒဏ်ရာ ရခဲ့တာဖြစ်ပြီး မေဆန်မောင့်ကတော့ ဝမ်းဗိုက်ပိုင်းဆိုင်ရာ ပြဿနာတခုကြောင့် ခွဲစိတ်ကုသခဲ့ရလို့ဖြစ်တယ်လို့ သိရပါတယ်။

ဒါ့အပြင် တိုက်စစ်မှူး ခိုင်ဟာဗက်ဇ်ဟာလည်း ဘရန့်ဖို့ဒ်နဲ့ပွဲစဉ်ကို လွဲချော်မှာဖြစ်ကြောင်း နည်းပြလမ်းပတ်က အတည်ပြုသွားပါတယ်။

ယာယီနည်းပြ လမ်းပတ်ဟာ အသင်းနဲ့ ၄ ပွဲ ကိုင်တွယ်ရာမှာ ၄ ပွဲစလုံး ရှုံးနိမ့်ခဲ့တာပါ။ ချဲလ်ဆီးအသင်းဟာ လာမယ့်ရာသီအတွက် အမြဲတမ်းနည်းပြအဖြစ် အာဂျင်တီးနားနည်းပြ ပိုချက်တီနိုနဲ့ ဆွေးနွေးနေဆဲ ဖြစ်ပါတယ်။

လမ်းပတ်အနေနဲ့ ရာသီကုန်တဲ့အထိ ဆက်လက်တာဝန်ယူဖို့ အာမခံချက် ရရှိထားတယ်လို့ သိရပါတယ်။

ချဲလ်ဆီးကနေထွက်ခွါပြီး ဘိုင်ယန်မြူးနစ်အသင်းဆီကို ပြောင်းရွှေ့ဖို့ ကွင်းလယ်လူ မေဆန်မောင့် ကို  ဒမ်နီမာဖီက တိုက်တွန်းပါတယ်။

မေဆန်မောင့်ဟာ ချဲလ်ဆီးအသင်းနဲ့ စာချုပ်သက်တမ်းနောက်ဆုံးနှစ်ကို ရောက်ရှိနေပေမဲ့ သက်တမ်းတိုးဖို့ အဆင်မပြေဖြစ်ခဲ့ပြီးနောက် အသင်းကနေထွက်ခွါဖို့ရှိနေတာပါ။

မေဆန်မောင့်ကိုခေါ်ယူဖို့ ဂျာမန်ထိပ်သီးဘိုင်ယန်မြူးနစ်အသင်းဘက်က စိတ်ဝင်စားမှု ရှိနေတာကြောင့် ချဲလ်ဆီးကနေထွက်ခွါဖို့ ဒမ်နီမာဖီက တိုက်တွန်းခဲ့တာပါ။

မေဆန်မောင့်ဟာ အသင်းဖော် စတာလင်ရရှိနေတဲ့ လုပ်ခအတိုင်း တစ်ပတ်ကို ပေါင် သုံးသိန်းရရှိလိုပေမဲ့ အသင်းဘက်က အဲဒီလောက်ပေးချေဖို့ ဆန္ဒမရှိတာကြောင့် အဆင်မပြေဖြစ်နေတာပါ။

လက်ရှိအချိန်မှာ မေဆန်မောင့်ရဲ့ခြေစွမ်းကျဆင်းနေပေမဲ့ ထိပ်တန်းအဆင့်မှာ ကစားနိုင်တဲ့သူဖြစ်သလို သောမက်စ်တူချယ်ရဲ့ ချီးကျူးမှုကို ရရှိနေဦးမှာဖြစ်ကြောင်း ဒမ်နီမာဖီက ပြောသွားခဲ့ပါတယ်။

မေဆန့်မောင့်ကိုခေါ်ယူဖို့ လီဗာပူး၊ မန်ယူ၊ မန်စီးတီး အသင်းတွေကလည်း စောင့်ကြည်နေပါတယ်။