မောင်တောခရိုင်ပညာရေးမှူး ဒေါက်တာ မြင့်မြင့်စန်းဟာ ဒီညနေပိုင်းက ရုံးထဲမှာ ဓားနဲ့ထိုးခံရပြီး သေသွားတယ်လို့ ဂရုဏာကွန်ရက်လူမှုကူညီရေး အသင်းက ပြောပါတယ်။
အသက် ၅၈ နှစ်အရွယ် ပညာရေးမှူးဟာ မကြာသေးခင်လပိုင်းကမှ ပြောင်းရွှေ့လာသူဖြစ်ပြီး မြို့သူကြီးရပ်ကွက်မှာရှိတဲ့ ရုံးမှာပဲ ဓားနဲ့ထိုးခံခဲ့ရတာပါ။
သူ့ကို လူမှုကူညီရေးအသင်းက ဆေးရုံပို့ပေးခဲ့ပေမယ့် အရေးပေါ်ကုသနေတုန်းမှာပဲ သေဆုံးသွားတယ်လို့ ဂရုဏာကွန်ရက်လူမှုကူညီရေး အသင်းက ဆိုပါတယ်။
ဒေသခံတယောက်ကတော့ ဆိုင်ကယ်စီးလာသူ ၃ ယောက်ဝင်လာပြီး ဓားနဲ့ထိုးတာလို့ပြောပြီး အသေးစိတ်အကြောင်းကိုတော့ မသိရသေးပါဘူး။
