မြန်မာ-ထိုင်းနယ်စပ် မြဝတီမြို့တစ်ဘက်ကမ်း တာခ်ရိုင်၊ မဲဆောက်မြို့နယ်မှာ လက်နက်၊ မူးယစ်ဆေးနဲ့ တရားမဝင်သစ်တချို့ကို ဖေဖေါ်ဝါရီ ၂ ရက်က ထိုင်းတာဝန်ရှိသူတွေက ဖမ်းဆီးရမိကြောင်း မဲဆောက်အခြေစိုက် ထိုင်းသတင်းဌာနက ရေးသားဖော်ပြပါတယ်။
ထိုင်းပြည်သူရဲ့ သတင်းပေးပို့ချက်အရ ထိုင်းစစ်တပ်၊ ရဲတပ်ဖွဲ့၊ နယ်စပ်ရဲနဲ့ အုပ်ချုပ်ရေးဆိုင်ရာအဖွဲ့ တာဝန်ရှိသူတွေက ပူးပေါင်းဝင်စစ်ဆေးရာ ခြံဝင်းတခုထဲမှာ ကျည်ထဲ့ထားတဲ့ AK ၄၇ သေနတ် တစ်လက်၊ စိတ်ကြွမူးယစ်ဆေး ၂၃၀၀၀ လုံး၊ ဘိန်းဖြူ ၁၉၃ ဒသမ ၃ ဂရမ်နဲ့ တရားမဝင်သစ် တချို့ကိုတွေ့ရှိ သိမ်းဆည်းရမိခဲ့တာပါ။
အဆိုပါ ခြံဝင်းမှာ နေထိုင်သူကတော့ တိမ်းရှောင်လွတ်မြောက်သွားပြီး မော်တော်ဆိုင်ကယ်တစ်စီးပါ သိမ်းဆီးရမိတဲ့အတွက် ဆိုင်ကယ်လိုင်စင် ကနေ ကွင်းဆက်ကိုစုံစမ်းကာ တရားခံကို ရှာဖွေဖမ်းဆီးအရေးယူနိုင်ဖို့ ဆောင်ရွက်မယ်လို့ မဲဆောက်မြို့ရဲမှူးကြီးက ပြောပါတယ်။
