ကချင်ပြည်နယ်၊ မြစ်ကြီးနားမြို့၊ တပ်ကုန်းရပ်ကွက်ရဲစခန်းရှေ့မှာ အောက်တိုဘာ ၆ ရက် ည ၇ နာရီလောက် ဗုံးပေါက်ခဲ့တယ်လို့ မျက်မြင်တွေ့ရှိသူ တစ်ဦးက ပြောပါတယ်။
"ကျနော်မြို့ဘက်ကနေပြန်လာနေတုန်း တပ်ကုန်းရဲစခန်းရှေ့ကို အဖြတ်မှာ ကွက်တိ ဗုံးပေါက်ကွဲမှု ဖြစ်သွားတာပါ။ ရဲစခန်းအုတ်တံတိုင်းရဲ့အပြင်ဘက်မှာ ပေါက်ကွဲသွားတာပါ။ မီးခိုးတွေလည်း အများကြီးပဲ။ ထိခိုက်ဒဏ်ရာရတာတော့ မတွေ့ရပါဘူး။ တစ်ခုခုကို သတိပေးချင်လို့ ဖောက်ခွဲလိုက်တာလို့ထင်ပါတယ်"လို့ ဆိုပါတယ်။
မြစ်ကြီးနားမြို့မှာ ပြီးခဲ့တဲ့ စက်တင်ဘာလတုန်းကလည်း တပ်ကုန်း Mytel ရုံးကို ဗုံးခွဲခဲ့တာ ရှိတယ်လို့ သိရပါတယ်။
