ပြင်ဦးလွင် မြို့မဈေးကြီးမှာ ခေတ္တယာယီပိတ်ထားရတဲ့ ဆိုင်ခန်းရှင်တွေရဲ့ ကုန်ပစ္စည်းတွေကို စိစစ်ထုတ်ပေးမယ်လို့ ပြင်ဦးလွင်မြို့မဈေးအကျိုးတော်ဆောင်အဖွဲ့က ထုတ်ပြန်ထားပါတယ်။
ဆိုင်ခန်းရှင်တွေအနေနဲ့ ကုန်ပစ္စည်းတွေ ထုတ်ယူလိုပါက ဈေးလုံခြုံရေးထိခိုက်မှု မဖြစ်ပေါ်စေဖို့ စနစ်တကျ စိစစ်ထုတ်ပေးမှာဖြစ်ပြီး ပစ္စည်းထုတ်ယူလိုတဲ့ ဆိုင်ခန်းရှင်တွေက ဈေးအကျိုးတော်ဆောင်ရုံးကို သြဂုတ် ၂၆ ရက် (တစ်ရက်တည်းသာ) မနက် ၉ နာရီမှ ညနေ ၃ နာရီအတွင်း လာရောက်စာရင်းပေးဖို့ အသိပေးထားပါတယ်။
ပစ္စည်းထုတ်ယူလိုတဲ့ ဆိုင်ခန်းရှင်တွေဟာ ဆိုင်ခန်းရှင်အမည်၊ ဆိုင်အမည်/ဈေးရုံနဲ့ ဆက်သွယ်ဖို့ ဖုန်းစတဲ့ အချက်အလက်တွေကို ကြိုတင်စာရင်းရေးသွင်းရမှာဖြစ်ပြီး ပစ္စည်းထုတ်ယူရမယ့်ရက်ကို ပြင်ဦးလွင်မြို့မစျေးကြီး အကျိုးတော်ဆောင်အဖွဲ့က ပြန်လည်ကြေညာပေးမှာ ဖြစ်ပါတယ်။
ကုန်နဲ့ပစ္စည်းတွေ သယ်ယူရာရာမှာ လူစုလူဝေးမဖြစ်စေဖို့နဲ့ mask တွေ စနစ်တကျတပ်ဖို့ အမြဲ သတိပေးဆော်သြထားပါတယ်။
ပြင်ဦးလွင်မြို့မဈေးကြီးရှိ စားသောက်ကုန်တန်း၊ အသီးအရွက်တန်းနဲ့ သားငါးတန်းတွေကို သြဂုတ် ၂၄ ရက်ကစတင်ပြီး မနက် ၆ နာရီမှ ၁၂ နာရီထိ အချိန်ပြောင်းလဲကာ ဖွင့်လှစ်ရောင်းချခွင့်ပြုထားတယ်လို့ သိရပါတယ်။
အဲဒီရောဂါပိုးတွေ့ရှိသူ အမျိုးသားနဲ့ ထိတွေ့ဆက်စပ်ခဲ့တဲ့ မိသားစုဝင်တွေ၊ မြို့မဈေးအတွင်းက ဈေးဆိုင်တွေက လူ ၂၆ ဦးကို ဆေးစစ်မှု ဆက်လက်လုပ်ဆောင်ခဲ့ရာ ရောဂါပိုးရှိသူ ၁၀ ဦး ထပ်မံတွေ့ရှိတယ်လို့ သိရပါတယ်။
အဆိုပါကိစ္စနဲ့ပတ်သက်ပြီး မြို့နယ်အထွေထွေအုပ်ချုပ်ရေးဦးစီးဌာန တာဝန်ရှိသူတွေ၊ မြို့နယ်ကျန်းမာရေးဦးစီးဌာနက တာဝန်ရှိသူတွေ၊ ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီဝင်တွေ၊ လူမှုရေးအဖွဲ့အစည်းတွေ၊ မြို့နယ်မီးသတ်တပ်ဖွဲ့ဝင်တွေ၊ ရဲတပ်ဖွဲ့ဝင်တွေ၊ မြို့နယ်စည်ပင်တာဝန်ရှိသူတွေက မြို့နယ်အထွေထွေအုပ်ချုပ်ရေးဦးစီးဌာနရုံးခန်းမှာ ဒီဇင်ဘာ ၈ ရက် ည ၇ နာရီမှ စတင်ပြီး အရေးပေါ်အစည်းအဝေး ပြုလုပ်ရာမှာတော့ မြို့နယ်အုပ်ချုပ်ရေးမှူး ဦးသူရထွန်းလင်းက သတင်းယူဖို့ ရောက်ရှိနေတဲ့ သတင်းထောက်ကို တားမြစ်ပိတ်ပင်ခဲ့ပါတယ်။
ဒီအစည်းအဝေးမှာ ဒီဇင်ဘာ ၉ ရက် နေ့လယ် ၁၂ နာရီကစတင်ပြီး မြို့မဈေးကို အပြင်ဆိုင်တန်းတွေပါမကျန် ၁၄ ရက် ပိတ်ဖို့နဲ့ လက်ဖက်ရည်ဆိုင်၊ စားသောက်ဆိုင်တွေကို ပါဆယ်စနစ်နဲ့သာ ရောင်းချဖို့ ဆုံးဖြတ်ခဲ့ကြောင်း သိရပါတယ်။
လက်ပံတန်း မြို့မဈေးကို ကိုဗစ်-၁၉ ရောဂါ ကူးစက်မှုတားဆီးကာကွယ်ဖို့အတွက် ပိတ်ထားခဲ့ပြီး အောက်တိုဘာ ၂၉ ရက်နေ့က ပြန်လည်ဖွင့်လှစ်ခဲ့တာ ၁ လကျော်ရှိချိန်မှာ ကိုဗစ်-၁၉ လူနာတွေ့တာကြောင့် ထပ်ပိတ်လိုက်တာ ဖြစ်ပါတယ်။
သတင်း၊ ဓာတ်ပုံ- ဝဏ္ဏထွန်း 
