စစ်ကိုင်းတိုင်း ဗန်းမောက်မြို့နယ်မှာ မွေးကင်းစ ကလေးငယ်တွေ ထိုးနှံရမယ့် ကာကွယ်ဆေး အမျိုးမျိုးကို ကလေးငယ်အများအပြား ထိုးနှံ့ခွင့် မရသေးဘူးလို့ ကလေးမိဘတွေဆီက သိရပါတယ်။

မွေးကင်းစကနေ အသက် ၂ နှစ်အရွယ်အထိ ထိုးနှံရတဲ့ ကာကွယ်ဆေးတွေကို မြို့နယ်အတွင်း တိုက်ပွဲတွေနဲ့ ဒေသတွင်း မတည်ငြိမ်တာတွေကြောင့် သွားလာရေးခက်ခဲပြီး ကလေးငယ်အများစု ကာကွယ်ဆေးထိုးဖို့ အခက်အခဲဖြစ်နေတာပါ။

ကလေးမိခင်တဦးက "ကျမကလေးလည်း မွေးစတုန်းကပဲ ဆေးထိုးလိုက်ရတယ်။ နောက်ပိုင်း မထိုးရတော့ဘူး။ မွေးစ ကလေးတွေက စပြီး အသက် ၂ နှစ်အရွယ်ထိ ထိုးရတဲ့ ကာကွယ်ဆေးတွေ မထိုးနှံရတဲ့သူတွေ များတယ်။ တိုက်ပွဲတွေဖြစ်တယ်။ ဗန်းမောက်ကို ဆေးတွေ မရောက်ဘူး။  တချို့တွေကတော့ တခြားမြို့နယ်တွေမှာ ဆေးသွားထိုးကြတာရှိတယ်။ တိုက်ပွဲတွေကလည်း ဖြစ်နေတော့  မသွားရဲဘူး" လို့ ပြောပါတယ်။

ဗန်းမောက်မြို့နယ်ကျန်းမာရေးဌာနမှာ ဆေးမရှိတဲ့အတွက် ကလေးငယ်တချို့ဟာ တခြားမြို့နယ် တွေကို သွားရောက်ပြီး ကာကွယ်ဆေး ထိုးနှံကြရတာပါ။

ကျန်းမာရေးဌာနနဲ့ နီးစပ်သူတဦးက "ကာကွယ်ဆေးထိုးရမယ့် တချို့ကလေးတွေက နီးစပ်ရာ မြို့တွေကို သွားထိုးကြတာရှိတယ်။ ကျန်းမာရေးဌာနမှာလည်း အခက်အခဲတွေရှိတယ်။ ဆေးတွေ က မရောက်လာဘူး။ နောက်ပြီး တိုက်ပွဲတွေဖြစ်ပြီး တည်ငြိမ်မှုမရှိတော့ ဝန်ထမ်းတွေလည်း ကျေးလက်ကျန်းမာရေးဌာနတွေကို သွားရောက်ဆေးကုသမှု မပေးနိုင်ဘူး။ ကျေးလက် ကျန်းမာရေးဌာန အများစုကလည်း ပိတ်ထားတယ်" လို့ ပြောပါတယ်။

မွေးစမှ အသက် ၂ နှစ်အထိ အသက်အရွယ်အလိုက် ထိုးနှံရတဲ့ ကာကွယ်ဆေးအမျိုးအစား ၂၀ လောက် ရှိကာ ကာကွယ်ဆေးထိုးခွင့်မရတာဟာ စိုးရိမ်ဖွယ်အခြေအနေဖြစ်နေပြီး ကာကွယ်ဆေးနဲ့ ကြိုတင်ကာကွယ်လို့ရတဲ့ ရောဂါတွေ ဖြစ်လာနိုင်ချေရှိနေတယ်လို့ UNICEF နဲ့ ကမ္ဘာ့ကျန်းမာရေး အဖွဲ့ WHO က သတိပေးထားပါတယ်။   

၂၀၂၂ ခုနှစ်အတွင်း   UNICEF က ထုတ်ပြန်တဲ့ စာရင်းအရ ကာကွယ်ဆေးမထိုးရတဲ့ ကလေး အများဆုံးရှိတဲ့ နိုင်ငံတွေထဲမှာ အိန္ဒိယ၊ နိုင်ဂျီးရီးယား၊ အင်ဒိုနီးရှား၊ အီသီယိုးပီးယား၊ ဖိလစ်ပိုင်၊ မြန်မာနဲ့ မိုဇမ်ဘစ်နိုင်ငံတွေ ပါဝင်ပါတယ်။

ထိုင်းနိုင်ငံမှာ ပြီးခဲ့တဲ့ ၂၄ နာရီအတွင်း ကိုဗစ်-၁၉ ရောဂါကြောင့် သေဆုံးသူ ၃၅ ယောက်၊ ရောဂါကူးစက်ခံရသူ ၂၄၇၃ ယောက်နဲ့ စံချိန်သစ်တင်ခဲ့တယ်လို့ နေးရှင်းသတင်း မှာ ဒီကနေ့ ဖော်ပြပါတယ်။

ရောဂါကူးစက်ခံရသူတွေထဲမှာတော့ ပြည်ပနိုင်ငံတွေက ပြန်ရောက်လာသူ ၂၃ ယောက်ပါဝင်ပြီး ကူးစက်မှုအမြင့်ဆုံးနေရာတွေထဲမှာ ဘန်ကောက်က ၈၇၃ ယောက်နဲ့ အများဆုံးဖြစ်ကာ နွန်ထာဘူရီမှာ ၁၅၅ ယောက်၊ ဆမွတ်ပရာကန်မှာ ၁၂၁ ယောက်နဲ့ ပ ထုံဌာနီမှာ ၁၁၇ ယောက် အသီးသီး ကူးစက်ခံထားရတယ်လို့ ထိုင်းနိုင်ငံ ကိုဗစ်-၁၉ ရော ဂါအခြေအနေစီမံခန့်ခွဲရေးစင်တာ(စီစီအက်စ်အေ)က ပြောပါတယ်။

သေဆုံးသူအရေအတွက်မှာလည်း ဘန်ကောက်က ၁၆ ယောက်နဲ့ ဦးဆောင်နေပြီး ချင်းရိုင်၊ ဆောင်ခလာနဲ့ ဆမွတ်ပရာကန်တို့မှာ ၂ ယောက်စီ၊ ဉဘွန်းရက်ချဌာနီ၊ ဆာကီရို၊ ဆီဆာခက်၊ ရာရောင်၊ ချွန်ဘူရီ၊ ပထုံဌာနီ၊ ချိုင်ရာဖမ်၊ လော့ပ်ဘူရီ၊ နခွန်ပထုံ၊ ဆမွတ် ဆခွန်၊ ချန်ဖွန်၊ ဆာရာဘူရီနဲ့ စူရတ်ဌာနီတို့မှာ ၁ ယောက်စီ သေဆုံးခဲ့တာ ဖြစ်ပါတယ်။

ကိုဗစ်-၁၉ ကူးစက်ခံရပြီး သေဆုံးခဲ့တဲ့ လူနာတွေထဲမှာ မွေးကင်းစ အရွယ်ကစ ၉၃ နှစ်အရွယ်ထိ ပါဝင်ပြီး လူနာအားလုံးမှာ သွေးတိုး၊ ဆီးချို၊ အဝလွန်တာစတဲ့ နာတာ ရှည် ရောဂါတွေ ခံစားနေကြရသူတွေဖြစ်တယ်လို့ ဆိုပါတယ်။

ရောဂါကူးစက်ခံထားရသူ ပြည်ပပြန် ၂၃ ယောက်ထဲမှာတော့ ၂၂ ယောက်က ထိုင်း လူမျိုးတွေဖြစ်ကြပြီး ၁၂ ယောက်က အိန္ဒိယ၊ ၅ ယောက်က ကမ္ဘောဒီးယား၊ ၄ ယောက်က မလေးရှားနဲ့ ၁ ယောက်က ယူအေအီးနိုင်ငံတွေက အသီးသီး ပြန်လာခဲ့ကြသူတွေ ဖြစ် တယ်လို့ ဆိုပါတယ်။ နောက်ထပ် ၂၃ ယောက်မြောက် ပြည်ပပြန်ကတော့ ပိုလန်နိုင်ငံက ဖြစ်ပြီး သူကတော့ အိန္ဒိယနိုင်ငံကနေ ပြန်လာခဲ့တာ ဖြစ်ပါတယ်။

ထိုင်းနိုင်ငံတဝန်းလုံးမှာတော့ လက်ရှိအချိန်ထိ ကိုဗစ်-၁၉ ရောဂါကူးစက်ခံရသူ စု စုပေါင်း ၁၁၃,၅၅၅ ယောက် ရှိလာခဲ့ပြီဖြစ်ကာ သေဆုံးသူ စုစုပေါင်း ၆၄၉ ယောက်နဲ့ ရော ဂါပြန်လည်ပျောက်ကင်းသက်သာလာသူ စုစုပေါင်းကတော့ ၆၉,၉၁၈ ယောက် ရှိနေတာ ဖြစ်ပါတယ်။

တကမ္ဘာလုံးအတိုင်းအတာနဲ့ ၁၆၄ သန်းကျော် ရောဂါကူးစက်ခံရပြီး သေဆုံးသူအ ရေအတွက်ကတော့ ၃ ဒသမ ၄ သန်းကျော်နဲ့ ရောဂါပြန်လည်ပျောက်ကင်းလာသူ အရေ အတွက်ကတော့ ၁၄၃ သန်းကျော် ရှိနေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၃၃ ဒသမ ၇ သန်းကျော်၊ သေဆုံးသူ ၆ သိန်းကျော် ရှိနေပြီး သူ့နောက်မှာတော့ အိန္ဒိယနိုင်ငံက ကူးစက်ခံရသူ ၂၅ သန်းကျော်၊ သေဆုံးသူ ၂ သိန်း ၇ သောင်းကျော်နဲ့ ရှိနေတာ ဖြစ်ပါတယ်။