ရုရှားရဲ့ ကျူးကျော်မှုကို တွန်းလှန်တိုက်ခိုက်နေကြတဲ့ ယူကရိန်းပြည်သူတွေရဲ့ တိုက်ပွဲကို ဂုဏ်ပြုတဲ့အနေနဲ့ အတွေးအခေါ် လွတ်လပ်ခွင့်အတွက် ပေးတဲ့ ဥရောပလွှတ်တော်က နှစ်စဉ်ချီးမြှင့်နေကျ ဆာခါရော့ဗ်ဆုကို ဒီဇင်ဘာ ၁၄ ရက်မှာ ရုရှားပြည်သူတွေ လက်ခံရယူခဲ့ပါတယ်။
ဒီဆုကို ကွယ်လွန်သူ ဆိုဗီယက် အတိုက်အခံခေါင်းဆောင် အန်ဒရေ ဆာခါရော့ဗ်ကို အစွဲပြုပြီး နာမည်ပေးထားတာပါ။
၁၉၈၈ ခုနှစ်က စတင်ပြီး လူ့အခွင့်အရေးနဲ့ အခြေခံလွတ်လပ်ခွင့်တွေကို အကာအကွယ်ပေးတဲ့ လူပုဂ္ဂိုလ်နဲ့ အဖွဲ့အစည်းတွေကို နှစ်စဉ်ချီးမြှင့်ခဲ့ပါတယ်။
ယူကရိန်းပြည်သူတွေကိုယ်စား စေတနာ့ဝန်ထမ်း လူနာတင်ယာဉ်တပ်ဖွဲ့ကို တည်ထောင်သူ၊ လူ့အခွင့်အရေးရှေ့နေ အိုလက်စန်ဒရာ မတ်ဗီးချော့ခ်နဲ့ သိမ်းပိုက်ခံ မယ်လစ်တိုပိုမြို့က မြို့တော်ဝန် အီဗန် ဖှေဒိုရော့ဗ် တို့က ဆုတက်ယူခဲ့ပါတယ်။
ဒီဆုမှာ ဆုငွေ ယူရို ၅၀,၀၀၀ (ဒေါ်လာ ၅၃,၂၄၀) ပါဝင်ပြီး ယူကရိန်းအရပ်ဘက် အဖွဲ့အစည်းတွေက ကိုယ်စားလှယ်တွေကို ခွဲဝေပေးမှာ ဖြစ်ပါတယ်။
ရုရှားနဲ့ဖြစ်ပွားနေတဲ့စစ်ပွဲ ရပ်တန့်ဖို့ ယူကရိန်းပြည်သူတိုင်း ဆန္ဒရှိကြတယ်လို့ ကွင်းလယ်လူ ဇင်ချန်ကိုက ပြောပါတယ်။
စကော့တလန်အသင်းကို အနိုင်ရရှိခဲ့တဲ့ ကမ္ဘာ့ဖလား ပလေးအော့ဖ်ခြေစစ်ပွဲစဉ်အပြီးမှာ ယူကရိန်းလက်ရွေးစင် ကစားသမားတဦးဖြစ်သူ ဇင်ချန်ကိုက ပြောလိုက်တာပါ။
ဇင်ချန်ကိုဟာ သတင်းစာရှင်းလင်းပွဲမှာ ယူကရိန်းမြေက စစ်ပွဲတွေအကြောင်း ပြောရင်း မျက်ရည်ကျခဲ့သလို အားလုံးက စစ်ပွဲရပ်တန့်ပြီး ငြိမ်းချမ်းရေးကို လိုလားကြောင်း ထည့်သွင်းပြောသွားခဲ့တာပါ။
ဒါပေမဲ့လည်း လက်ရှိအခြေအနေမှာ ရုရှားရဲ့ကျူးကျော်မှုဟာ အလွန်ဆိုးရွားပြီး အတူတကွ တိုက်ခိုက်သွားဖို့ လိုအပ်ကြောင်း၊ ယူကရိန်းကိုသွားပြီး ရှေ့တန်းကနေ အမိမြေကို ကာကွယ်ချင်ပေမဲ့ မိသားစုဝင်တွေဘက်ကတော့ ဘောလုံးကနေတဆင့် ကမ္ဘာကြီးကို သတင်းစကားပါးရတာ ပိုပြီးထိရောက်တာကြောင့် ယူကရိန်းအထိမလာဖို့ တိုက်တွန်းထားကြောင်း ဇင်ချန်ကိုက ပြောပါတယ်။
ယူကရိန်းအသင်းဟာ ကမ္ဘာ့ဖလားဝင်ခွင့် အဆုံးအဖြတ် ဗိုလ်လုပွဲစဉ်အနေနဲ့ ဇွန် ၅ ရက်မှာ ဝေးလ်အသင်းနဲ့ ယှဉ်ပြိုင်သွားရမှာပါ။
ယူကရိန်းစစ်ပွဲက အသင်းသားတွေကြားကို တိုက်ရည်ခိုက်ရည်စိတ်တွေ ဖြစ်ပေါ်စေပြီး အသင်းအတွက် စိတ်ဓာတ်လှုံ့ဆော်မှုတွေ ပေးနိုင်ကြောင်းလည်း ဇင်ချန်ကိုက ပြောသွားပါတယ်။
