ယူကရိန်းနဲ့ရုရှား ပထမဆုံး အမျိုးသမီးအကျဉ်းသား လဲလှယ်မှုမှာ ယူကရိန်းအမျိုးသမီး ၁၀၈ ဦး လွတ်မြောက်ခဲ့တယ်လို့ ယူကရိန်းသမ္မတရုံးခန်း ဝန်ထမ်းအကြီးအကဲ အန်ဒရီယာမတ်ခ်က အောက်တိုဘာ ၁၇ ရက်က တယ်လီဂရမ်မှာ ရေးသားခဲ့ပါတယ်
လွတ်မြောက်လာသူတွေထဲမှာ အရပ်သား ၁၂ ယောက် ပါဝင်ပြီး တချို့ဟာ ၂၀၂၂ ခုနှစ် ဖေဖော်ဝါရီလမှာ ရုရှားကျူးကျော်မှု မစတင်မီကတည်းက ထောင်ချခံထားရသူတွေ ဖြစ်ကြောင်း သူက ရေးထားပါတယ်။
ယာမတ်ခ်ဟာ သူတို့လွတ်မြောက်ပြီးနောက် ဓာတ်ပုံရိုက်ဖို့ စုဝေးနေတဲ့ အမျိုးသမီးတွေရဲ့ ဗီဒီယိုကို ထုတ်ပြန်ခဲ့ပါတယ်။
ဒွန်းညက်ပြည်သူ့သမ္မတနိုင်ငံလို့ ကိုယ်ပိုင်ကြေညာထားတဲ့ ဒေသအကြီးအကဲ ဒန်းနစ်ပူရှီလင်က အမျိုးသမီးအများစုပါဝင်တဲ့ ယူကရိန်းနိုင်ငံသား ၁၁၀ ဦးကို လွှတ်ပေးမှာဖြစ်ပြီး အလဲအလှယ်အနေနဲ့ ရုရှားနိုင်ငံသား အယောက် ၈၀ ကို ပြန်လွှတ်ပေးရမှာဖြစ်ကြောင်း၊ ရုရှား အယောက် ၈၀ ထဲမှာ အရပ်သားသင်္ဘောသားတွေနဲ့ စစ်မှုထမ်း အယောက် ၃၀ ဖြစ်ကြောင်း ပြောပါတယ်။
