ထိုင်းနိုင်ငံ၊ ရနောင်းမြို့ရှိ နေအိမ်တစ်လုံးကို ဒီဇင်ဘာ ၁၀ ရက်နေ့က တရားမဝင် ရောက်ရှိလာတဲ့ မြန်မာနိုင်ငံသား ၁၆ ယောက်နဲ့ သူတို့ကို ကူညီပေးတယ်လို့ ယူဆရတဲ့ ထိုင်းလူမျိုး ၃ ယောက်ကို ထိုင်းစစ်သားတွေက ခြေရာခံလိုက်လာပြီး ဖမ်းဆီးခဲ့တယ်လို့ The Nation ထိုင်းသတင်းမှာ ဖော်ပြပါတယ်။
စစ်ဆေးမေးမြန်းမှုအတွင်း သူတို့ဟာ မြန်မာနိုင်ငံ ကော့သောင်းမြို့ကနေ ထိုင်းနိုင်ငံ နယ်စပ် ရနောင်းမြို့ကို ထွက်လာပြီးတော့ စောင့်ဆိုင်းနေတဲ့ မော်တော်ဆိုင်ကယ်တွေကနေ အဲ့ဒီအိမ်အထိ ပို့ဆောင်ပေးတာလို့ ဝန်ခံပြောပြပါတယ်။
ထိုင်းဘက်ကို တရားမဝင်လာရောက်ဖို့ တယောက်ကို ဘတ် ၂၅၀၀၀ စီ ပေးဆောင်ခဲ့ရတယ်လို့ အဖမ်းခံရသူတွေက ပြောပါတယ်။
ဖမ်းဆီးခံရသူတွေကို မူဝမ်-ရနောင်းရဲစခန်းကို မလွှဲပြောင်းမီ ကိုဗစ်-၁၉ ရောဂါ ရှိ မရှိ စစ်ဆေးခဲ့ ပါတယ်။
ဓာတ်ပုံ- The Nation
