မြန်မာနိုင်ငံ၊ ကချင်ပြည်နယ်မြောက်ဖျားကနေ ရွှေ့ပြောင်းလာတဲ့ ရဝမ်လူမျိုးတွေ  စု​ဝေးပြီး ကျေးဇူး​တော်ချီးမွမ်းပွဲအစီအစဥ်တခုကို သြစတြေးလျနိုင်ငံမှာ ၂ ရက်တာပြုလုပ်သွားပါတယ်။

ဒီအစီအစဉ်ကို သြစတြေးလျနိုင်ငံမှာရောက်ရှိနေတဲ့ ရ၀မ်လူမျိုးတွေစုဝေးပြီး စက်တင်ဘာ ၃၀ ရက်ကနေ အောက်တိုဘာ ၁ ရက်အထိ နယူးဆောက်ဝေးလ်ပြည်နယ်၊ ဂန်းဒဂိုင်းမြို့လေးမှာ ပြလုပ်ခဲ့တာပါ။

ကျေးဇူး​တော်ချီးမွမ်းပွဲကိုလာရောက်တဲ့ ရဝမ်တိုင်းရင်းသူတဦးက “ ရဝမ်မိသားစု​တွေ ဩစတြေးလျကို လာရောက်ခိုလှုံခွင့်ရတာဟာ ကျမတို့​​ တော်လို့တတ်လို့ ဒီလိုတိုးတက်တဲ့ နိုင်​ငံကို ရောက်ရှိလာတာမဟုတ်ပါဘူး။ ဒါကြောင့် ကျမတို့ကိုလက်ခံတဲ့​ ဒေသခံ​တွေကိုလည်း ကျေးဇူးတင်တယ်။ အထူးသဖြင့်ပို့​ဆောင်​ပေးတဲ့ ဘုရားသခင်ကို” လို့ပြောပါတယ်။

အစီစဥ်​တွေမှာ လူငယ်ရော လူကြီးတွေပါ သီချင်းသီဆို၊ ရိုးရာအက၊ ဖျော်ဖြေရေးနဲ့ အား​ပေးစကား​ပြောတာတွေ၊ နုတ်ကပတ်​တော်နားထောင်တာနဲ့ ​ ကျေးဇူး​တော်ချီးမွမ်းတာတွေကို အတူတကွစုပေါင်းလုပ်ဆောင်ခဲ့ကြတယ်လို့လည်းဆိုပါတယ်။

ဒီအစီအစဉ်ကို ​ဒေသခံ သြစတြေးလျနိုင်ငံသားတွေနဲ့ တာဝန်ရှိလူကြီးတချို့လည်း လာရောက် အားပေးခဲ့ကြပြီး သြစတြေးလျနိုင်ငံတ၀ိုက်က ရ၀မ်လူမျိုးတွေအပါအဝင် လူပရိသတ် ၅၀၀ လောက် စုဝေးနိုင်ခဲ့တယ်လို့ သိရပါတယ်။

ရန်ကုန် သင်္ဃန်းကျွန်းမြို့နယ်သပိတ်မှာ  အကြမ်းဖက်စစ်တပ်နဲ့ ရဲတွေရဲ့ ပစ်ခတ်မှုကြောင့်  ရဝမ်တိုင်းရင်းသား  ညီအစ်ကိုနှစ်​ယောက်ကျည်ဆန်ထိမှန်သွားပြီး ညီ အ​ထွေးဆုံးကတော့ ကျဆုံးသွားတယ်လို့ ရ၀မ်လူကြီးတစ်ယောက်က ပြောပါတယ်။

ဒီနေ့ကျဆုံးသွားတဲ့ မောင်ထီဆန်၀မ်ဖီထွန်း(အသက် ၁၉နှစ်) ဟာ ကချင်မျိုးနွယ်စုထဲမှ ရ၀မ်လူမျိုးဖြစ်ပြီး ပူတာအိုခရိုင်၊ နောင်မွန်းဒေသကဖြစ်ပါတယ်။

ရန်ကုန်မှာ ​ခေါက်ဆွဲဆိုင် တနိုင်တပိုင်​လေးဖွင့်ကာ ရပ်တည်​နေတဲ့မိသားစု ဖြစ်ပြီး နွေဦးတော်လှန်ရေးမှာ ပထမဦးဆုံး ရ၀မ်လူမျိုးစုထဲမှ ကျဆုံးခြင်းဖြစ်တယ်လို့ သိရပါတယ်။