လီဗာပူးတိုက်စစ်မှူး ဖေမီနိုဟာ အခုနှစ်ရာသီအကုန်မှာ အသင်းကနေ ထွက်ခွါတော့မယ်လို့ သိရပါတယ်။
ဖေမီနိုဟာ အခုနှစ်ရာသီအကုန်မှာ စာချုပ်သက်တမ်းကုန်ဆုံးမှာဖြစ်ပြီး လီဗာပူးဘက်က စာချုပ်သစ်ကမ်းလှမ်းဖို့ စိတ်ဝင်စားပေမယ့် ဖေမီနိုကိုယ်တိုင်က အသင်းနဲ့ လမ်းခွဲဖို့ ဆုံးဖြတ်ထားတယ်လို့ဆိုပါတယ်။
အသင်းကနေထွက်ခွာမယ့်ကိစ္စကို နည်းပြယာဂန်ကလော့ပ်ကို ကြိုတင်ပြောဆိုထားပြီး အသင်းဘက်ကလည်း ကစားသမားရဲ့ဆန္ဒကိုလိုက်လျောပေးရဖို့ရှိပါတယ်။
အသက်၃၁နှစ်ရှိပြီဖြစ်တဲ့ ဘရာဇီးတိုက်စစ်မှူးဟာ နည်းပြကလော့ပ်လက်ထက် လီဗာပူးအသင်း အမြင့်မားဆုံး အောင်မြင်ခဲ့ရာမှာ အဓိကတိုက်စစ်မှူးအဖြစ်ခြေစွမ်းပြသခဲ့သူဖြစ်ပါတယ်။
သူဟာ ၂၀၁၅ ခုနှစ်ကတည်းက ဂျာမန်ကလပ် ဟော့ဖမ်ဟိမ်အသင်းကနေ ပြောင်းရွှေ့လာခဲ့သူ ဖြစ်ပြီး လီဗာပူးနဲ့ ၃၅၃ ပွဲကစားပြီး ၁၀၇ ဂိုးသွင်းယူထားပါတယ်။
