ရခိုင်ပြည်နယ်၊ စစ်တွေမြို့ မင်းဂံရပ်ကွက်မှာ မတ်လ ၁၆ ရက် မနက်ပိုင်းက အသက် ၁၂ နှစ်အရွယ် မိန်းကလေးငယ်တစ်ယောက် ရိုက်နှိက်ခံထားရတဲ့ ဒဏ်ရာတွေနဲ့ သတိမေ့လျက် တွေ့ရှိခဲ့တယ်လို့ လူမှုကူညီရေးအဖွဲ့ တာဝန်ရှိသူတွေက ပြောပါတယ်။

အခု ဒဏ်ရာတွေနဲ့ တွေ့ခဲ့ရတဲ့ ကလေးငယ်ဟာ မျက်နှာမှာ ဖူးရောင်နေပြီး ခေါင်းမှာ ပေါက်ကွဲထားတဲ့ဒဏ်ရာနဲ့ တွေ့ရှိခဲ့တာဖြစ်တယ်လို့ ရွှေရောင်မေတ္တာဖောင်ဒေးရှင်းက ပြန်ကြားရေးတာဝန်ခံ ကိုဗျာလက ပြောပါတယ်။

“ကလေးကတော့ အသက် ၁၂ နှစ်အရွယ်လောက် ရှိတယ်။ ရိုက်နှက်ခံထားရတဲ့ ဒဏ်ရာတွေနဲ့ သတိမေ့ပြီး တွေ့ကြတာလို့ သိရတယ်။ မျက်နှာတွေ ပါးတွေက ရောင်ဖူးနေတယ်။ ခေါင်းတွေမှာလည်း ပေါက်သွားတယ်ထင်တယ်၊ သွေးတွေထွက်နေတယ်။ မျက်နှာက ဒဏ်ရာကတော့ နည်းနည်းများတယ်။ တခြား ခန္ဓာကိုယ်အစိတ်အပိုင်းတွေမှာတော့ ဒဏ်ရာတွေ မတွေ့ရဘူး။ အခုတော့ စစ်တွေမြို့ ပြည်သူ့ဆေးရုံကြီးမှာ ဆေးကုသမှု ခံယူနေတယ်။”

အခု ရိုက်နှက်ခံရပြီး ဒဏ်ရာတွေနဲ့ တွေ့ရှိခဲ့တဲ့ ကလေးငယ်ဟာ စစ်တွေမြို့ မင်းဂံရပ်ကွက် အကွက် ၁၅ ကဖြစ်ပြီး မင်းဂံရပ်ကွက် အကွက် ၁၃ ရထားလမ်းအောက်မှာ ဒဏ်ရာတွေနဲ့ တွေ့ခဲ့ရတာ ဖြစ်ပါတယ်။

အခုဖြစ်စဉ်နဲ့ပတ်သက်ပြီး မင်းဂံနယ်မြေရဲစခန်းကို ဖုန်းနဲ့ ဆက်သွယ်ခဲ့‌ရာမှာ လက်ခံဖြေကြားခြင်း မရှိပါဘူး။

စစ်ကောင်စီက ထိန်းချုပ်ထားတဲ့ စစ်တွေမြို့မှာ ဒုစရိုက် လုယက်မှုတွေ၊ သတ်ဖြတ်မှုတွေ များလာပြီး လုံခြုံမှုအားနည်းလာတာကြောင့် ဒေသခံတွေ အပြင်ထွက်ပြီး သွားလာကြရာမှာ သတိထားနေရတယ်လို့ စစ်တွေမြို့ခံတွေက ပြောပါတယ်။

ပြီးခဲ့တဲ့ ဖေဖော်ဝါရီ ၂၂ ရက်ကလည်း စစ်တွေမြို့ ကန်တော်ကြီးရပ်ကွက်မှာ စုံတွဲချိန်းတွေ့နေစဉ် အမျိုးသား ၃ ဦးက ယောကျ်ားလေးကို ဓားနဲ့ထိုးကာ ဖုန်းလုယူသွားခဲ့သလို အမျိုးသမီးငယ်ကိုလည်း ပြန်ပေးဆွဲ ခေါ်သွားပါတယ်။

စစ်တွေမြို့မှာ နေ့တိုင်းဆိုသလို ဖုန်းလုယက်မှုတွေ ရှိနေတာကြောင့် အမျိုးသမီးတွေ တယောက်တည်း အပြင်သွားလာဖို့ ခက်ခဲလာနေပါတယ်။

အခုလပိုင်း ရခိုင်ပြည်နယ်က မြို့နယ်တွေမှာ အုပ်စုလိုက် လုယက်မှုတွေကြောင့် ကိုယ်ထူကိုယ်ထစနစ်နဲ့ ကင်းစောင့်နေကြရတာတွေ ရှိပါတယ်။

ပြီးခဲ့တဲ့ ၂၀၂၂ ခုနှစ်က သြဂုတ်လက ပြည်နယ်အစိုးရရုံးအနီးရှိ ပလတ်စတစ်ပစ္စည်း အရောင်းဆိုင်က အရောင်းစာရေးမတဦး ဓားထိုးအသတ်ခံခဲ့ရသလို ၂၀၂၀ ခုနှစ်ကလည်း မုန့်လက်ကောက်ရောင်းတဲ့ မိန်းကလေးတဦး ဆောက်လက်စ အဆောက်အဦတခုအတွင်းမှာ အသတ်ခံခဲ့ရပါတယ်။

မြန်မာနိုင်ငံမှာ မတရားအာဏာသိမ်းကာလ ၅ လအကြာ အကြမ်းဖက်စစ်အုပ်စုရဲ့ ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူ ၈၈၅ ယောက်ထိ ရှိလာခဲ့ပြီလို့ နိုင်ငံ ရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ ဇူလိုင် ၁ ရက်အထိ အေအေပီပီက ကောက်ယူမှတ်တမ်းပြုစုထားတာဖြစ်ပြီး အမှန်တကယ် ကျဆုံးသူတွေဟာ ဒီထက်ပိုနိုင် တယ်လို့ ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၆၄၆၂ ယောက် ဖမ်းဆီးခံခဲ့ရကာ ၅၁၉၅ ယောက်ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲက ၂၃၃ ယောက်ကတော့ ထောင်ဒဏ်ချမှတ်ခံထားရပါတယ်။

အမှုဖွင့်ခံထားရပြီး ဖမ်းဝရမ်းထုတ်ခံထားရတဲ့အတွက် တိမ်းရှောင်နေသူ အရေအ တွက်ကတော့ ၁၉၆၅ ယောက်ရှိနေပြီး သူတို့ထဲက အယောက် ၄၀ ကတော့ မျက်ကွယ် သေဒဏ်ချမှတ်ခံထားရကာ ၁၄ ယောက်ကတော့ အလုပ်ကြမ်းနဲ့ ထောင်ဒဏ် ၃ နှစ်စီ၊ ၃၉ ယောက်ကတော့ အလုပ်ကြမ်းနဲ့ ထောင်ဒဏ်နှစ် ၂၀ စီ၊ ၂၅ ယောက်ကတော့ အလုပ်ကြမ်း နဲ့ ထောင်ဒဏ် ၇ နှစ်စီ၊ ၁ ယောက်ကတော့ အလုပ်ကြမ်းနဲ့ ထောင်ဒဏ် ၁၀ နှစ်စီ အသီးသီး မျက်ကွယ်ထောင်ဒဏ် ချမှတ်ခံထားရလို့ တိမ်းရှောင်နေသူတွေ ဖြစ်တယ်လို့ ဆိုပါတယ်။

ပြီးခဲ့တဲ့ ဇွန် ၂၉ ရက်နေ့မှာ ဖမ်းဆီးခံခဲ့ရတဲ့ မန္တလေးတိုင်းဒေသကြီး၊ ဝမ်းတွင်း မြို့နယ်၊ တဲစုကျေးရွာ NLD ရပ်ကျေးအဖွဲ့ဝင် ကိုစိုးစံဟာ နောက်တနေ့မှာပဲ ကျဆုံးသွား တယ်လို့ သိရှိရပါတယ်။ သူဟာ ကိုဗစ်-၁၉ အသက်ရှူလမ်းကြောင်းဆိုင်ရာရောဂါနဲ့  ကွယ်လွန်ခဲ့တယ်လို့ ပြောပေမယ့် ပင်းတလဲဆေးရုံမှာ တပ်စွဲထားတဲ့ စစ်သားတွေ ရိုက်နှက်တာကြောင့် သေဆုံးသွားခဲ့တာလို့ အေအေပီပီက ဆိုပါတယ်။

ဇူလိုင် ၁ ရက်နေ့ မနက်ပိုင်းမှာတော့ ပဲခူးတိုင်းဒေသကြီး၊ ပြည်မြို့က အာဏာဖီဆန်ရေး လှုပ်ရှားမှု(CDM) မှာပါဝင်တဲ့ လက်ထောက်ခွဲစိတ်ဆရာဝန် ဒေါက်တာဝတ်ရည် အောင်ကို အကြမ်းဖက် စစ်အုပ်စုက ဖမ်းဆီးသွားခဲ့တယ်လို့ သိရှိရပါတယ်။

ပဲခူးတိုင်းဒေသကြီး၊ နတ်တလင်းမြို့မှာလည်း သုခကာရီပရဟိတအဖွဲ့ဝင်နဲ့ မြို့ နယ်ကြက်ခြေနီတပ်ဖွဲ့ဝင်တယောက်ဖြစ်တဲ့ ကိုထိုက်(ခ)ကိုကျော်လင်းထိုက်ဟာ လူနာပို့ ပြီးအပြန် ဇွန် ၂၉ ရက်ညအချိန်မှာ ဖမ်းဆီးခံခဲ့ရတယ်လို့ သိရပါတယ်။

ဒါ့အပြင် မန္တလေးတိုင်းဒေသကြီး၊ တောင်သာမြို့နယ်မှာ တိမ်းရှောင်နေတဲ့ မြို့နယ် NLD သတင်းနဲ့ ပြန်ကြားရေးကော်မတီအဖွဲ့ဝင် ဦးမောင်စိန်ကိုလည်း ဇွန် ၂၉ ရက်နေ့ ညအချိန်က ဖမ်းဆီးသွားခဲ့တယ်လို့ ဆိုပါတယ်။

အေအေပီပီ အနေနဲ့ လက်ရှိအခြေအနေတွေကို နေ့စဉ် စောင့်ကြည့်မှတ်တမ်းတင် နေတာဖြစ်ပြီး စစ်အာဏာသိမ်းမှုနဲ့ပတ်သက်ပြီး ဖမ်းဆီး၊ တရားစွဲဆို၊ ပြစ်ဒဏ် ချမှတ်ခံ ထားရသူတွေစာရင်းကို နေ့စဉ် ထုတ်ပြန်သွားမယ်လို့ ဆိုပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ် ရှားသူတွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေ စတဲ့ နယ်ပယ် အသီးသီးက ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခံထားရတာကို သိရှိပါက အေအေပီပီ အီးမေးလ်၊ ဖေ့စ်ဘွတ်ခ်နဲ့ တွစ်တာတို့ကတဆင့် ဆက်သွယ်အသိပေးအကြောင်းကြားဖို့လည်း အသိပေးထားပါတယ်။