ရုပ်ရှင်သရုပ်ဆောင် ခိုင်သင်းကြည်ရဲ့ ရန်ကုန်မြို့ရှိ နေအိမ်ကို ဧပြီ ၂၇ ရက် ညပိုင်းမှာ စစ်ကောင်စီတပ်သားတွေနဲ့ ရဲတပ်ဖွဲ့ဝင်တွေက အင်အားအလုံးအရင်းနဲ့ ဝင်ရောက်စီးနင်းခဲ့ပါတယ်။
ဧည့်စာရင်းစစ်မယ်ဆိုတဲ့ အကြောင်းပြချက်နဲ့ စစ်သားတွေနဲ့ ရဲတွေ အင်အားအလုံးအရင်းနဲ့ အိမ်တွင်းဝင်ရောက်စစ်ဆေးချိန်မှာ ခိုင်သင်းကြည်ရဲ့သမီးဖြစ်သူက စံထိပ်ထားဦးက သူ့ရဲ့ လူမှုကွန်ရက်စာမျက်နှာ liveလွှင့်ဖော်ပြခဲ့ပါတယ်။
ဒါ့အပြင် ခိုင်သင်းကြည်၏ ခင်ပွန်းဖြစ်သူ ဦးခန့်နိုင်ကိုလည်း စစ်ကောင်စီတပ်က ညပိုင်းမှာ ခေါ်ဆောင်သွားတဲ့အကြောင်း သမီးဖြစ်သူက သူ့ရဲ့ လူမှုကွန်ရက်စာမျက်နှာမှာ တင်ထားခဲ့ပြီး အခုမနက်မှာတော့ ပြန်ဖြုတ်သွားခဲ့ပါတယ်။
ဦးခန့်နိုင်ကို စစ်ကောင်စီက ဘယ်မှာ ဖမ်းဆီးထားတယ်၊ ဘာကြောင့် ဖမ်းဆီးတယ်ဆိုတာကိုတော့ အသေးစိတ် မသိရသေးပါဘူး။
သရုပ်ဆောင် အကယ်ဒမီ ခိုင်သင်းကြည်ကို အကြမ်းဖက်စစ်ကောင်စီက လူမှုထူးချွန်ဆု (ဒုတိယအဆင့်) ဆု ချီးမြှင့်ခဲ့ပြီး ဧပြီ ၁၆ ရက်မှာတော့ ဆုပြန်လည် ရုပ်သိမ်းကြောင်း ကြေညာခဲ့ပါတယ်။
