အနောက်နိုင်ငံတွေဟာ ရုရှားမြေကို ကျူးကျော်ဖို့ ပြင်ဆင်နေကြတယ်လို့ ရုရှားသမ္မတ ဗလာဒီမာ ပူတင်က အောင်ပွဲနေ့ မိန့်ခွန်းထဲမှာ မေ ၉ ရက်က ပြောလိုက်ပါတယ်။

ဒုတိယကမ္ဘာစစ်အတွင်း ဆိုဗီယက် သူရဲကောင်းဝါဒကို အမှတ်ရဖို့ကိုလည်း လှုံ့ဆော် လိုက်ပါတယ်။

ကျဆုံးစစ်သည်တွေကို အသိအမှတ်ပြုရင်း ကျဆုံးစစ်သည်တွေရဲ့ မိသားစုတွေကို ကူညီမယ် လို့လည်း သူက ကတိပြုလိုက်ပါတယ်။

နာဇီဂျာမန်တွေကို နိုင်ခဲ့တဲ့ ၇၇ နှစ်မြောက် အောင်ပွဲနေ့မှာ ရင်ပြင်နီမှာ ရာထူးအဆင့်အမျိုးမျိုးက အရာရှိတွေကို ပူတင်က မိန့်ခွန်းအတွင်း ခုလို ပြောလိုက်တာပါ။

ရုရှားကို အားနည်းစေပြီး ပြိုကွဲစေမယ့် ပြင်ပခြိမ်းခြောက်မှုတွေကိုလည်း ပူတင်က ရှုတ်ချခဲ့ ပါတယ်။

ရုရှား၏ ကျူးကျော်မှုကို အကြောင်းပြပြီး နေတိုး စစ်ရေးမဟာမိတ်အဖွဲ့က ရုရှားနယ်နိမိတ် ဘေးမှာ ခြိမ်းခြောက်မှုတွေ ဖန်တီးနေတယ်လို့လည်း ပူတင်က ထပ်ခါတလဲလဲ ပြောခဲ့ပါတယ်။

ပူတင်ဟာ သူ့ရဲ့ ၁၁ မိနစ်ကြာ မိန့်ခွန်းအတွင်း ယူကရိန်းဆိုတဲ့ နာမည်ကို မရည်ညွှန်းခဲ့ကြောင်း၊ စစ်ရေး တိုးတက်မှု သတင်းအချက်အလက်လည်း မပေးခဲ့သလို ဘယ်လောက်ကြာအောင် ဆက်တိုက်မလဲ ဆိုတဲ့ ညွှန်ပြမှုလည်း မပေးခဲ့ကြောင်း၊ ပူတင်ဟာ ယူကရိန်းနိုင်ငံထဲမှာ နာဇီတွေကို အားကျနေတဲ့ အန္တရာယ်ကြီးတဲ့ မျိုးချစ်ဝါဒီတွေကို တိုက်ပွဲအဖြစ် သူပုံဖော်ထားတဲ့စစ်ပွဲကို ၁၉၄၁ ခုနှစ်က အဒေါ့ဖ် ဟစ်တလာရဲ့ ကျူးကျော်မှုကို ရင်ဆိုင်ရတဲ့ ဆိုဗီယက် ပြည်ထောင်စုရဲ့ စိန်ခေါ်မှုနဲ့ ထပ်ခါတလဲ ခိုင်းနှိုင်းခဲ့ပါတယ်။

ယူကရိန်းသမ္မတ ဇလန်းစကီးကတော့ ရုရှားဟာ ယူကရိန်းနိုင်ငံထဲမှာ နာဇီဝါဒကို ပြန်ပြီး ပြဋ္ဌာန်းနေတယ်လို့ တုံ့ပြန်ပြောဆိုခဲ့ပါတယ်။