ရုရှားထောင်ထဲမှာ ထိန်းသိမ်းထားတဲ့ အမေရိကန် ကမ်းတက်စစ်သည်ဟောင်း ထရီဗာ ရိဒ်ကို အမေရိကန်နိုင်ငံထဲမှာ ထောင်ဒဏ်နှစ် ၂၀ ကျခံနေရတဲ့ ရုရှားနိုင်ငံသား ကွန်စတန်တင် ယာရိုရှန်ကိုနဲ့ အကျဉ်းသားချင်း လဲခဲ့တယ်လို့ ရုရှား နိုင်ငံခြားရေးဝန်ကြီးဌာနက ဧပြီ ၂၇ ရက်မှာ ပြောပါတယ်။
ကာလကြာရှည် ညှိနှိုင်းအပြီး ရလဒ်အနေနဲ့ အကျဉ်းသားတွေကို ဧပြီ ၂၇ ရက်က လဲခဲ့တာလို့ ရုရှား နိုင်ငံခြားရေးဝန်ကြီးဌာန ပြောခွင့်ရ မာရီယာ ဇာခါရိုဗာက သူ့ရဲ့ တယ်လီဂရမ်ကတဆင့် ပြောခဲ့ပါတယ်။
