ရုံးပိတ်ရက်တချို့နဲ့ အစာထိုးရုံးပိတ်ရက်တွေကို စစ်ကောင်စီက ဆက်လက်ပယ်ဖျက်ထားတယ်လို့ သိရပါတယ်။
၂၀၂၃ အတွက် ရုံးပိတ်ရက်တွေကို စစ်ကောင်စီက ထုတ်ပြန်ခဲ့ရာ နိုင်ငံတကာနှစ်ကူးပိတ်ရက် မပါတော့သလို၊ ခရစ္စမတ်ပိတ်ရက်ဟာလည်း တရက်တည်း ပေးထားပါတယ်။
ဒါ့အပြင် စနေ၊ တင်္ဂနွေနေ့တွေနဲ့တိုက်တဲ့ ရုံးပိတ်ရက်တွေ အစားထိုးပိတ်ရက် ပြန်ပေးထားတာမျိုးလည်း မရှိတော့ပါဘူး။
အလုပ်သမားသမဂ္ဂခေါင်းဆောင်တဦးက “အလုပ်ရှင်တွေအကြိုက် ပိတ်ရက်တွေ လျှော့ပေးတာ။ အလုပ်သမားတွေအတွက်တော့ နစ်နာတယ်” လို့ ပြောပါတယ်။
စစ်ကောင်စီအနေနဲ့ ရုံးပိတ်ရက်ကို ၂၀၂၂ က စတင်ပြောင်းလဲသတ်မှတ်ခဲ့တာဖြစ်ပြီး လာမယ့်နှစ်အတွက်လည်း ရုံးပိတ်ရက်တွေ ဆက်လက်လျှော့ချခံထားရတာ ဖြစ်ပါတယ်။
NLD အစိုးရလက်ထက်မှာ နိုင်ငံတကာနှစ်ကူးပိတ်ရက်ကို ရုံးပိတ်ရက်အသစ်အနေနဲ့ သတ်မှတ်ပေးခဲ့သလို အစားထိုးပိတ်ရက်တွေလည်း ပေးခဲ့ပါတယ်။
စစ်ကောင် စီသတ်မှတ်တဲ့ ရုံးပိတ်ရက်ဟာ တနှစ်လုံး ၂၇ ရက်ရှိပြီး ယခင်က ရက် ၃၀ ကျော်ရှိကာ အဲဒီကမှ အစားထိုးပိတ်ရတွေကိုပါ အလုပ်သမားတွေ ထပ်မံခံစားခွင့်ရရှိကြတာပါ။
အများပြည်သူအလုပ်ပိတ်ရက်အဖြစ် ဩဂုတ် ၂၃ ရက်မှ ၃၁ ရက်အထိ တစ်ဆက် တစ်စပ်တည်း ထပ်မံတိုးမြှင့်သတ်မှတ်ကြောင်း အာဏာသိမ်းစစ်ကောင်စီက ဩဂုတ် ၂၀ ရက်မှာ ကြေညာပါတယ်။
ကိုဗစ်-၁၉ ရောဂါကူးစက်ပြန့်ပွားမှုကို ထိရောက်စွာ ကာကွယ်ထိန်းချုပ်ကုသနိုင်ဖို့အတွက် အများပြည်သူ အလုပ်ပိတ်ရက်ကို နောက်ထပ် သီတင်းတပတ်ကြာ တိုးမြှင့်သတ်လိုက်တာပါ။
ကိုဗစ်-၁၉ ရောဂါကူးစက်မှုကို ဆက်လက်ထိန်းချုပ်ပြီး ပုံမှန်အခြေအနေသို့ အမြန်ပြန်လည်ရောက်ရှိနိုင်ဖို့ ထူးခြားတဲ့ အခြေအနေအရ နိုင်ငံတော် ဗဟိုဘဏ်နဲ့ ပုဂ္ဂိလကဘဏ်တွေမှအပ တစ်ဆက်တစ်စပ်တည်း အများပြည်သူအလုပ်ပိတ်ရက်အဖြစ် တိုးမြှင့်သတ်မှတ်ကြေညာလိုက်တာပါ။
ကိုဗစ်-၁၉ ရောဂါအခြေအနေကြောင့် အခုလို ရုံးပိတ်ရက်တွေကို ထပ်ခါထပ်ခါတိုးမြှင့် ကြေညာနေတာ စုစုပေါင်း ၅ ကြိမ်ရှိသွားပြီဖြစ်ပါတယ်။
အလားတူ ပုဂ္ဂလိက ကျောင်း၊ ဘုန်းတော်ကြီးသင် ပညာရေးကျောင်းတွေအပါအဝင် အခြေခံပညာစာသင်ကျောင်းတွေအားလုံးကိုလည်း ဩဂုတ် ၂၃ ရက်မှ ၃၁ ရက်အထိ ယာယီ ဆက်လက် ပိတ်ထားမယ်လို့ စစ်ကောင်စီက ကြေညာထားပါတယ်။
မြန်မာနိုင်ငံမှာ မနေ့ကတရက်တည်း ကိုဗစ်-၁၉ ရောဂါကူးစက်ခံရသူ ၃၀၀၀ ကျော်နဲ့ ထပ်မံသေဆုံးသူ ၁၅၁ ယောက်ရှိပြီး လက်ရှိအချိန်ထိ ကိုဗစ်-၁၉ ကြောင့် သေဆုံးသူစုစုပေါင်း ၁၄,၀၉၆ ယောက်နဲ့ ရောဂါကူးစက်ခံရသူ စုစုပေါင်း ၃၆၈,၇၆၈ ယောက်ရှိပြီလို့ စစ်ကောင်စီ ကျန်းမာရေးဝန်ကြီးဌာနက ဩဂုတ် ၂၀ ရက်ညမှာ ထုတ်ပြန်ပါတယ်။
PhotoCredit-BEHS (6) Myaungmya
