ဧရာဝတီတိုင်း၊ ပုသိမ်မြို့မှာ မေ ၄ ရက်နဲ့ ၅ ရက်နေ့တွေက ဘုန်းကြီးတပါးနဲ့ အမျိုးသားတယောက် ရေနစ်သေဆုံးခဲ့တယ်လို့ ဒေသခံတွေက ပြောပါတယ်။
ရေကြည်ဦးဘုရား ကျုံးထဲမှာ မေ ၄ ရက်က အမျိုးသားတယောက် ရေနစ်သေဆုံးခဲ့ပြီး မေ ၅ ရက်နေ့မှာလည်း မြို့ချောင်းရွာရှိ ချောင်းအတွင်းမှာ ဒုလ္လဘဘုန်းကြီးတပါး ရေနစ်သေဆုံးခဲ့တာ ဖြစ်ပါတယ်။
စစ်ကောင်စီလက်အောက်ခံ ရဲတပ်ဖွဲ့က ရေနစ်သေဆုံးတဲ့သူတွေကို ဘယ်သူဘယ်ဝါ ဖြစ်တယ်ဆိုတာ အတိအကျ မစုံစမ်းသလို ရင်ခွဲပြီးတာနဲ့ သင်္ဂြိုဟ်ခဲ့တယ်လို့ ဒေသခံတယောက်က ပြောပါတယ်။
“၂ ရက်ကို ၂ ယောက်ဆိုတော့ နည်းနည်းထူးဆန်းနေတယ်လို့ ခံစားရတယ်။ စစ်ဆေးတာတွေလည်း သေချာလုပ်ပုံတော့ မရဘူး၊ အကုန် ရင်ခွဲရုံပို့ပြီး နေ့လယ်ပိုင်းမှာ သင်္ဂြိုဟ်တာပဲ။”
ရေကြည်ဘုရားကျုံးနေရာဟာ နှစ်စဉ် ရေနစ်သေဆုံးလေ့ရှိတဲ့နေရာ ဖြစ်တယ်လို့ ဒေသခံတွေက ပြောပါတယ်
