အိန္ဒိယနိုင်ငံမြောက်ပိုင်း ဗာရာဏသီမြို့မှာ ဂင်္ဂါမြစ်ရေလျှံလို့ ရေကြီးနေတဲ့အတွက် ရိုးရာဈာပနကိစ္စ ဆောင်ရွက်တဲ့နေရာတွေပါ ရေမြုပ်ကုန်ပါတယ်။
အိန္ဒိယရဲ့ လူနေအထူထပ်ဆုံး ဥတ်တျာပရာဒေ့ရှ်ပြည်နယ် ကန်ပါနဲ့ ပရာယာဂရပ်ချ်မြို့တွေက မြေနိမ့်ဒေသတွေက အစိတ်အပိုင်း အများအပြား ရေမြုပ်ခဲ့လို့ အိမ်တွေတင်မက စိုက်ပျိုးမြေတွေနဲ့ ကောက်ပဲသီးနှံတွေပါ ပျက်စီးခဲ့တယ်လို့ ရွာသားတွေက ပြောပါတယ်။
အိန္ဒိယအနောက်ပိုင်း ရာဂျက်စသန်ပြည်နယ်က ဂျလာဝါခရိုင်မှာလည်း မိုးကြီးပြီး ရွာအတော်များများ ရေမြုပ်သွားလို့ ကာလီဆင်းမြစ်ထဲကို ဆည်ရေတွေ လွှတ်ချလိုက်ရပါတယ်။
လူဦးရေ ၁ ဒသမ ၂၅ ဘီလီယံရှိတဲ့ အိန္ဒိယနိုင်ငံမှာ လူဦးရေ ၃ ပုံ ၂ ပုံက ကျေးလက်မှာနေပြီး စိုက်ပျိုးရေးကို အားကိုးအသက်မွေးကြလို့ နှစ်စဉ် မိုးရေချိန်က အရေးကြီးပါတယ်။
ဒါပေမဲ့ မိုးကြီးလို့ ရေကြီးတာ၊ မြေပြိုတာနဲ့ ရေကြောင့်ဖြစ်တဲ့ ရောဂါတွေကို ပြည်သူတွေ နှစ်စဉ် ရင်ဆိုင်ရလေ့ရှိပါတယ်။
