အမေရိကန်နိုင်ငံ ကိုချဲလာဂီတပွဲတော်မှာ အသက် ၁၉ နှစ်အရွယ် ထိုင်းရပ်ပါ အဆိုတော် မီလီက သရက်သီးကောက်ညှင်းပေါင်းကို စင်မြင့်ထက်ကနေ ပလုတ်ပလောင်း စားပြပြီးနောက်  ထိုင်းနိုင်ငံရဲ့ မြို့တော် ဘန်ကောက်မှာ သရက်သီး ကောက်ညှင်းပေါင်းတွေ ရောင်းအား မြင့်တက်ခဲ့ပါတယ်။

မီလီဟာ ဂီတပွဲတော်မှာ ဖျော်ဖြေခွင့်ရတဲ့ ပထမဆုံး ထိုင်းနိုင်ငံသား အနုပညာရှင်လည်း ဖြစ်ပါတယ်။

သူ့ပရိသတ်တွေ နှစ်စဉ် ထောင်သောင်းချီ တိုးနေပြိး ဒီနှစ်ရဲ့ ထိပ်တန်း အနုပညာရှင် စာရင်းထဲမှာ ပါလာခဲ့သူပါ။

ထိုင်းဝန်ကြီးချုပ် ပရာယွတ်သ် ချန်အိုချာကလည်း ယဉ်ကျေးမှုဝန်ကြီးဌာနဟာ သရက်သီး ကောက်ညှင်းပေါင်းကို ကုလသမဂ္ဂသိပ္ပံနဲ့ ယဉ်ကျေးမှုအဖွဲ့(ယူနက်စကို)ရဲ့ ယဉ်ကျေးမှု အမွေအနှစ် စာရင်းထဲမှာ မှတ်ပုံတင်ဖို့ စဉ်းစားနေတယ်လို့ ဒီအပတ်ထဲမှာ ပြောခဲ့ပါတယ်။

ထိုင်းနိုင်ငံမှာ မတ်လနဲ့ဧပြီလအတွင်း အပူသက်သာစေဖို့ ထိုင်းလူမျိုးတွေဟာ သရက်သီးမှည့်နဲ့ ကောက်ညှင်းအုန်းနို့ပေါင်းကို တွဲစပ်ပြီး စားလေ့ရှိပါတယ်။