တရုတ်နိုင်ငံ၊ အနောက်တောင်ပိုင်း စီချွမ်ပြည်နယ်မှာ မိုးကြီးပြီး ရေလွှမ်းမိုးခဲ့လို့ လူအယောက် ၂၁၀၀၀ ကျော်ကို သူတို့အိမ်တွေကနေ ဘေးလွတ်ရာ ရွှေ့ပေးထားရတယ်လို့ အစိုးရ မီဒီယာက ဇူလိုင် ၁၁ရက်မှာ သတင်းထုတ်ပြန်ပါတယ်။
ပါးကျုံးမြို့မှာ ဇူလိုင် ၉ ရက်နဲ့ ၁၀ ရက်နေ့တွေက ဒေသခံတွေကို ကယ်ဆယ်ရေး လုပ်သားတွေက ဘေးကင်းရာ ရွှေ့ပေးခဲ့ရပြီး ကယ်ဆယ်ရေး လုပ်ငန်းတွေကို မနေ့ကအထိကဆက်လုပ်နေ ပါတယ်။
မိုးကြီးလို့ စီချွမ်ပြည်နယ်တလွှား မြစ်တွေမှာ မြစ်ရေကြီးနေပြီး ရှန်းထန်မြို့မှာ ၁၀ နှစ်လောက်အတွင်း အမြင့်ဆုံးထိ ရေမျက်နှာပြင် မြင့်တက်ခဲ့ပါတယ်။
စိုက်ပျိုးမြေ ဧက ၁၁၀၀၀ ကျော် ရေမြုပ်ခဲ့ပြီး အိမ်ခြေ ၂၀၀ ကျော် ရေကြီးလို့ ပျက်စီးခဲ့ကာ မိုးကြောင့်မြေပြိုလို့ လမ်းတွေလည်း ပိတ်ဆို့ကုန်တယ်လို့ ရှင်းဟွာသတင်းဌာနမှာ ရေးသား ဖော်ပြပါတယ်။
