မွန်ပြည်နယ်၊ မော်လမြိုင်မြို့၊ ဘိုကုန်းရပ်ကွက်ရှိ မွန်ပြည်နယ်လွှတ်တော်ရုံး ရဲကင်းဂိတ်ကို ဇူလိုင် ၂၇ ရက် မနေ့ည ည ၇ နာရီလောက်မှာ လက်ပစ်ဗုံးနဲ့ ပစ်ခတ်တိုက်ခိုက်ခံခဲ့ရတယ်လို့ ဒေသခံတွေက ပြောပါတယ်။
မွန်ပြည်နယ်လွှတ်တော်ရုံး ရဲကင်းဂိတ်ကို Federal Freedom UG အဖွဲ့က လက်ပစ်ဗုံးနဲ့ ပစ်ခတ်တိုက်ခိုက်ခဲ့တာ ဖြစ်ပါတယ်။
လွှတ်တော်ရုံးနဲ့ နီးစပ်သူတွေ အဆိုအရ လက်ပစ်ဗုံးနဲ့ ပစ်ခတ်တိုက်ခိုက်ခံရတာကြောင့် မွန်ပြည်နယ်လွှတ်တော်ရုံးတံခါး အနည်းငယ် ထိခိုက်ပျက်စီးခဲ့ပေမယ့် လူထိခိုက်ဒဏ်ရာရတော့ မရှိဘူးလို့ ပြောပါတယ်။
ပစ်ခတ်တိုက်ခိုက်ခံရပြီးနောက် စစ်ကောင်စီဘက်က အင်အားအများအပြား အသုံးပြုပြီး မြို့ပေါ်ရပ်ကွက်တချို့မှာ ဧည့်စာရင်း ဝင်ရောက် စစ်ဆေးခဲ့တယ်လို့ မြို့ခံတွေက ဆိုပါတယ်။
ဒါ့အပြင် ဇူလိုင် ၂၈ ရက် မနက်ပိုင်းကစပြီး မော်လမြိုင်မြို့အဝင်အထွက်ဂိတ်တွေမှာလည်း ပိတ်ဆို့ ရှာဖွေ စစ်ဆေးနေပါတယ်။
မွန်ပြည်နယ်လွှတ်တော်ရုံး ရဲကင်းဂိတ် လက်ပစ်ဗုံးပစ်ခတ် တိုက်ခိုက်မှုမှာ စစ်ကောင်စီ ရဲတပ်ဖွဲ့ဝင် ၂ ဦး သေဆုံးပြီး ၁ ဦး ထိခိုက်ဒဏ်ရာရရှိခဲ့တယ်လို့ Federal Freedom UG အဖွဲ့က ထုတ်ပြန်ထားပေမဲ့ သီးခြားအတည်ပြုနိုင်ခြင်း မရှိသေးပါဘူး။
မွန်ပြည်နယ်၊ ကျိုက်မရောမြို့နယ်က အတ္ထရံတံတား(ချောင်းနှစ်ခွ) ရဲကင်းဂိတ်စခန်းဟာ မတ်လ ၁၉ ရက် ဒီနေ့ မနက် ၇ နာရီလောက်မှာ တိုက်ခိုက်ခံခဲ့ရတယ်လို့ ဒေသခံတွေက ပြောပါတယ်။
အဲဒီရဲကင်းဂိတ်စခန်းကို ကရင်အမျိုးသားလွတ်မြောက်ရေးတပ်မတော် KNLA နဲ့ PDF ပူးပေါင်းအဖွဲ့က သွားရောက် တိုက်ခိုက်ခဲ့တာဖြစ်ပြီး ဒုတပ်ကြပ် ရဲ တစ်ဦး သေဆုံးကာ ရဲတပ်ဖွဲ့ဝင် ၂ ဦး ထိခိုက်ဒဏ်ရာရရှိခဲ့ပါတယ်။
ရဲကင်းဂိတ်စခန်း တိုက်ခိုက်ခံရပြီးနောက် အပြန်အလှန် ပစ်ခတ်မှုတွေ ရှိနေပြီး ချောင်းနှစ်ခွတံတား ဖြတ်သန်းသွားလာခွင့် ယာယီပိတ်ထားပါတယ်။
လက်ရှိမှာတော့ ချောင်းနှစ်ခွတံတားမှာ ခရီးသွားကားနဲ့ ဆိုင်ကယ် ရာနဲ့ချီ ပိတ်မိနေသလို မနက် ၁၁ နာရီအချိန်ထိ ဖြတ်သန်းသွားခွင့်မရသေးဘူးလို့ ခရီးသွားတွေ ပြောပါတယ်။
ကေအန်ယူ တပ်မဟာ ၆ ထိန်းချုပ်နယ်မြေအတွင်းက စစ်ကောင်စီတပ်တွေ ပြန်လည်ဆုတ်ခွာပေးဖို့ ကေအန်ယူက စစ်ကောင်စီ အရှေ့တောင်တိုင်းမှူးထံ သတိပေးစာ ပေးပို့ပြီးနောက် တပ်မဟာ ၆ နယ်မြေအများစုမှာ ထိတွေ့တိုက်ပွဲတွေ ဆက်လက် ဖြစ်ပွားနေတာပါ။
