ကိုလံဘီယာနိုင်ငံ တတိယအကြီးဆုံးမြို့ ကာလီမှာ ဇန်နဝါရီ ၇ ရက်က ရဲကားတစီးကို ကိုလံဘီယာ လက်ဝဲသူပုန်အဖွဲ့ (ELN) က ဗုံးခွဲခဲ့ပြီး ရဲ ၁၃ ဦး ပြင်းပြင်းထန်ထန် ဒဏ်ရာရရှိခဲ့ပါတယ်။ 

ရဲကား မောင်းနေစဉ်မှာ ELN အဖွဲ့က ဗုံးပစ်သွင်းခဲ့တာဖြစ်ပြီး အဲဒီဖောက်ခွဲမှုဟာ သူတို့လက်ချက် ဖြစ်တယ်လို့ မနေ့က ထုတ်ပြန်ကြေညာပါတယ်။ 

ကိုလံဘီယာ လက်ဝဲသူပုန်အဖွဲ့ကို ၁၉၆၄ မှာ အစွန်းရောက် ကက်သိုလစ်ဘုန်းကြီးတွေက တည်ထောင်ခဲ့တာ ဖြစ်ပြီး လက်ရှိ တပ်သား ၂၃၅၀ ရှိပါတယ်။ အစိုးရတွေကို  အမြဲတိုက်ခိုက်လာခဲ့တာ ဖြစ်ပါတယ်။

အစိုးရက ELN ရဲ့ မြို့ပြပြောက်ကျားခေါင်းဆောင် အဲလ်ရိုလို ဖမ်းမိရင် အမေရိကန်ဒေါ်လာ ၂၅၀,၀၀၀ ချီးမြှင့်မယ်လို့ ထုတ်ပြန်ထားပါတယ်။

အစိုးရနဲ့ နဲ့ ELN တို့ကြား အစောပိုင်း ငြိမ်းချမ်းဆွေးနွေးမှုတွေ ရှိခဲ့ပေမဲ့ ၂၀၁၉ မှာ  ရဲသင်တန်းသား ၂၂ ယောက်ကို ဗုံးခွဲသတ်ဖြတ်ပြီးနောက် ဆက်ဆံမှုအေးခဲသွားပါတယ်။

အစိုးရက လက်ဝဲသူပုန်တွေကို အိမ်နီးချင်း ဗင်နီဇွဲလားသမ္မတ နီကိုလပ်စ်မာဒူရိုကို ကူညီပံ့ပိုးနေတယ်လို့ စွပ်စွဲပါတယ်။