အင်းစိန်ထောင်မှာ ဖမ်းဆီးအကျဉ်းကျခံနေရတဲ့ ရုပ်ရှင်နဲ့ ဗီဒီယို သရုပ်ဆောင် ရဲတိုက်ကို ထောင်တွင်းအထူးတရားရုံးကနေ အလုပ်ကြမ်းနဲ့ ထောင်ဒဏ် ၁၀ နှစ် ထပ်ချလိုက်တယ်လို့ သူ့ရဲ့ ထုတ်လုပ်ရေးကုမ္ပဏီ ဆာတိုရီက သတင်းထုတ်ပါတယ်။ 

မင်းသား ရဲတိုက်ကို ပြီးခဲ့တဲ့နှစ်  ဧပြီလမှာ ဖမ်းဆီးခဲ့ပြီး စစ်ကောင်စီတရားရုံးက  ပုဒ်မ ၅၀၅ (က) နဲ့ ထောင်ဒဏ် ၃ နှစ်ချမှတ်ထားခဲ့ရာက နောက်ထပ် ထောင်ဒဏ် ၁၀ နှစ်ထပ်ချလိုက်တာဖြစ်ပါတယ်။ 

ပြီးတော့ မူးယစ်ဆေးနဲ့ ပတ်သက်တဲ့ ပုဒ်မ ၁၆ (ဂ) နဲ့ ထောင်တွင်း အထူးတရားရုံးကိုတင် စစ်ဆေးနေရာက ၈ လလောက်အကြာမှာ ပုဒ်မ ၂၃ နဲ့ ထပ်တိုးတရားစွဲဆိုခဲ့တယ်လို့ ဆိုပါတယ်။

အဲဒီနောက် စစ်ကောင်စီဩဇာခံ အနောက်ပိုင်းခရိုင် တရားသူကြီး ဒေါ်လွင်လွင်ဌေးက  ၅ လလောက် စစ်ဆေးပြီး မေ ၂၇ ရက်က အလုပ်ကြမ်းနဲ့ ထောင်ဒဏ် ၁၀ နှစ် ချမှတ်လိုက်တာပါ။

ရုပ်ရှင်သရုပ်ဆောင်ရဲတိုက်ပြီးခဲ့တဲ့  ဒီဇင်ဘာလက အင်းစိန်ထောင်တွင်းအထူးတရားရုံး တရားခွင်မှာ ဦးနှောက်ကျုံ့တဲ့ဝေဒနာကြောင့် ရုတ်တရက်မေ့လဲခဲ့ပြီး ကျန်းမာရေးမကောင်းတဲ့ကြားက အမှုကို ဆက်လက် စစ်ဆေးနေတာဖြစ်ပါတယ်။

သရုပ်ဆောင်မင်းသား ရဲတိုက်ကို မရမ်းကုန်းမြို့မရဲစခန်းက မူးယစ်ပုဒ်မ ၁၆(ဂ) နဲ့တရားစွဲဆိုခဲ့တာဖြစ်ပြီး ဒီအမှုအတွက် ရဲက တင်သွင်းတဲ့ သက်သေခံ စိတ်ကြွဆေးပြားတွေဟာ  ရဲတိုက်ရဲ့ ကိုယ်ပေါ်ကနေ ရှာတွေ့တာမဟုတ်ဘူးလို့ တရားရုံးမှာ စစ်ဆေးပေါက်ပေါက်တဲ့ အကြောင်း  သူ့ရဲ့ ဥပဒေအကြံပေး ရှေ့နေက ပြောပါတယ်။

စစ်အာဏာသိမ်းပြီးနောက် မတရားမှုကိုလက်မခံဘဲ စစ်အာဏာရှင်ကို ဆန့်ကျင်သပိတ်မှောက်ခဲ့တာကြောင့်  သရုပ်ဆောင်  ရဲတိုက်၊ ပိုင်တံခွန်၊ လူမင်း၊ ပြေတီဦး၊ အိန္ဒာကျော်ဇင်တို့ အပါအဝင် ပြည်သူလူထုဘက်ကရပ်တည်ခဲ့တဲ့ အနုပညာရှင်တွေ အတော်များများကို စစ်ကောင်စီက  ဖမ်းဆီးပြီး ပုဒ်မ ၅၀၅ (က)  ထောင်ဒဏ်တွေ သီးသီးချမှတ်ခဲ့တာလည်း ဖြစ်ပါတယ်။

သရုပ်ဆောင် လူမင်း၊ ပြေတီဦး၊ အိန္ဒြာကျော်ဇင်၊ မော်ဒယ်လ် ပိုင်တံခွန်နဲ့ ဒါရိုက်တာဝိုင်းတို့ အင်းစိန်ထောင်ကနေ ပြန်လွတ်မြောက်လာပေမဲ့  ရဲတိုက်၊ ပိုပိုနဲ့ မဝင်းမင်းသန်းတို့ ကတော့ ထောင်ထဲမှာ ဆက်လက် အကျဉ်းကျခံနေရတာ ဖြစ်ပါတယ်။

သရုပ်ဆောင် လူမင်း၊ ပြေတီဦး၊ အိန္ဒြာကျော်ဇင်၊ မော်ဒယ်လ် ပိုင်တံခွန်နဲ့ ဒါရိုက်တာဝိုင်းတို့ အင်းစိန်ထောင်ကနေ ဒီကနေ့ ပြန်လွတ်မြောက်လာပေမဲ့  ရဲတိုက်၊ ပိုပိုနဲ့ မဝင်းမင်းသန်းတို့ ကတော့ ထောင်ထဲမှာ ကျန်နေခဲ့တယ်လို့ ရှေ့နေဦးခင်မောင်မြင့်က ပြောပါတယ်။ 

သရုပ်ဆောင် လူမင်း၊ ပြေတီဦး၊ အိန္ဒြာကျော်ဇင်နဲ့ မော်ဒယ် ပိုင်တံခွန်တို့ကို စစ်ကောင်စီက မတ်လ ၂ ရက်ဒီကနေ့မှာ  ပြစ်ဒဏ်ကနေ လွတ်ငြိမ်းခွင့် ရုတ်တရက် ကြေညာခဲ့တာဖြစ်ပါတယ်။

သရုပ်ဆောင်ရဲတိုက်၊ အဆိုတော်ပိုပိုနဲ့ ဆယ်လီမဝင်းမင်းသန်းတို့ကတော့ ပုဒ်မ ၅၀၅(က) အပြင် တခြားအမှုတွေကျန်နေသေးတဲ့အတွက် စစ်ကောင်စီက ပြန်မလွှတ်ပေးသေးပါဘူး။

ဥပဒေအကြံပေး ရှေ့နေ ဦးခင်မောင်မြင့်က "အားလုံးအိမ်ပြန်ရောက်ကြပါပြီ။ ပိုင်တံခွန်၊ ကိုလူမင်း၊ အိန္ဒြာကျော်ဇင်၊ ပြေတီဦး၊ ဝိုင်း။ ဝိုင်းကတော့ ကြားနာဆဲကို အမှုရုပ်သိမ်းပေးလိုက်တာ။ ကျန်တာတွေကတော့ လွတ်ငြိမ်းခွင့်နဲ့လွှတ်ပေးလိုက်တာ။ ကိုရဲတိုက်က ကျန်ခဲ့တယ်။ သူက ၅၀၅(က) က လွတ်ငြိမ်းခွင့်ရတယ်။ နောက်ထပ်မူးယစ်မှုတစ်ခုက စစ်ဆေးဆဲဆိုတော့ အဲ့ဒါကျန်တယ်။ နောက် မဝင်းမင်းသန်းက ၅၀၅(က) အတွက်က လွတ်ငြိမ်းခွင့်ရတယ်။ ဒါပေမဲ့ ၁၇(၁) က ကျန်နေခဲ့တယ်။ ပိုပိုကတော့ ၅၀၅(က) တစ်ခုတည်းရှိတာ ဘာလို့မလွှတ်သလဲ မသိဘူး။ ပိုပို ကျန်နေခဲ့တယ်။"

မော်ဒယ်သရုပ်ဆောင် ပိုင်တံခွန် ပြန်လွတ်လာပြီးနောက် လုပ်ဖော်ကိုင်ဖက်အနုပညာရှင်တွေနဲ့ စကားပြောထားတဲ့ ရုပ်သံတခုလူမှုကွန်ရက်မှာပျံ့နှံ့နေပြီး သူ့ရဲ့ ဖေ့စ်ဘွတ်ခ်မှာလည်း ပို့စ်တခုတင်ထားရာမှာ မိနစ်ပိုင်းအတွင်း သူ့ရဲ့ ပရိသတ်တွေက  ကွန်မန့်တွေ အများအပြား ရေးသားတုံ့ပြန်နေကြပါတယ်။ 

အကယ်ဒမီလူမင်းရဲ့ မိသားစုကတော့ “ကိုလူမင်း နေအိမ်ကို ပြန်လည်ရောက်ရှိပါပြီ။ သတင်း​မေး ဆုတောင်းမေတ္တာပို့ပေးတဲ့သူတိုင်းကို ကျေးဇူးတင်ပါတယ်။ တစ်​ယောက်ချင်းစီကို အ​ကြောင်းမပြန်နိုင်ခဲ့ရင် နားလည်ခွင့်လွတ်​ပေးပါ” လို့ လူမှုကွန်ရက်မှာ သတင်းစကားပါးထား ပါတယ်။ 

စစ်အာဏာသိမ်းပြီးနောက် မတရားမှုကိုလက်မခံဘဲ စစ်အာဏာရှင်ကို ဆန့်ကျင်သပိတ်မှောက်ခဲ့တာကြောင့်  သရုပ်ဆောင် ပိုင်တံခွန်၊ လူမင်း၊ ပြေတီဦး၊ အိန္ဒာကျော်ဇင်တို့ အပါအဝင် ပြည်သူလူထုဘက်ကရပ်တည်ခဲ့တဲ့ အနုပညာရှင်တွေ အတော်များများကို  ဖမ်းဆီးပြီး ပုဒ်မ ၅၀၅ (က)  ထောင်ဒဏ်တွေ သီးသီးချမှတ်ခဲ့တာလည်းဖြစ်ပါတယ်။

ရှေ့နေဦးခင်မောင်မြင့် “ဘယ်လိုပဲဖြစ်ဖြစ် ထိန်းသိမ်းချုပ်နှောင်ခံနေရတဲ့သူတွေ လွတ်တယ်ဆိုတာ ကောင်းတာပေါ့။ ဘယ်သူကပဲလွှတ်လွှတ်၊ ဘယ်အကြောင်းနဲ့ပဲလွှတ်လွှတ်ပေါ့။ ဒါက ကောင်းတဲ့အလုပ်ပေါ့။ ကောင်းတယ်လို့ပဲ မြင်ပါတယ်။"

စစ်တပ်အာဏာစသိမ်းကတည်းက ဘာအပြစ်မှမရှိဘဲ  ဖမ်းဆီးထိန်းသိမ်းခံထားရတဲ့ ဒါရိုက်တာ မင်းထင်ကိုကိုကြီး၊  အဆိုတော် စောဖိုးခွား၊ စာရေးဆရာမ သန်းမြင့်အောင်၊  စာရေးဆရာ ထင်လင်းဦးနဲ့ စာရေးဆရာ မောင်သာချို စသူတွေလည်း လွတ်မြောက်ခြင်းမရှိသေးပါဘူး။ 

စစ်တပ်အာဏာသိမ်းပြီးနောက်ပိုင်း ဖမ်းဆီးထိန်းသိမ်းခံရဲ့တဲ့ ပြည်သူ သောင်းချီရှိတယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း AAPP က ထုတ်ပြန်ထားပါတယ်။