၃၂ ကြိမ်မြောက် ကမ္ဘောဒီးယားဆီးဂိမ်းမှာ မြန်မာအားကစားအဖွဲ့ဟာ မေ ၁၂ ရက်အပြီး ရွှေတံဆိပ် ၁၅ ခုနဲ့ နိုင်ငံအလိုက်အဆင့် ၈ မှာရပ်တည်နေပါတယ်။
မေ ၁၂ ရက် ယှဉ်ပြိုင်ကစားခဲ့တဲ့ ပွဲစဉ်တွေမှာ ဝူရှူးပြိုင်ပွဲကနေ ရွှေတံဆိပ်တခု ထပ်မံရရှိခဲ့ပြီး စုစုပေါင်းရွှေတံဆိပ် ၁၅ ခု၊ ငွေတံဆိပ် ၁၄ ခု၊ ကြေးတံဆိပ် ၄၃ ခုနဲ့ နိုင်ငံအလိုက် ရပ်တည်မှုမှာ အဆင့် ၈ နေရာမှာ ရပ်တည်နေတာပါ။
မြန်မာအားကစားအဖွဲ့အတွက် ရွှေတံဆိပ်ဆုတွေကို ဗိုဗီနမ်ကနေ ၄ ခု၊ ဗိုဗီနမ်ခွန်ဘိုကာတာ ကနေ ၁ ခု၊ ပိုကျော်ခြင်းကနေ ၂ ခု၊ ခြင်းလုံးကနေ ၄ ခု၊ ဝူရှူးကနေ ၁ ခု၊ ဘိလိယက်နဲ့စနူကာ ကနေ ၂ ခု၊ ပီတန်းကနေ ၁ ခုရရှိခဲ့တာပါ။
မေ ၁၂ ရက်အထိ ဗီယက်နမ်နိုင်ငံက ရွှေတံဆိပ် ၇၁ ခုနဲ့ နိုင်ငံအလိုက် အဆင့် ၁ မှာရပ်တည်နေပြီး ထိုင်း၊ ကမ္ဘောဒီးယား၊ အင်ဒိုနီးရှား၊ စင်ကာပူ၊ ဖိလစ်ပိုင် နဲ့ မလေးရှားအသင်းတွေက အစဉ်လိုက် ရပ်တည်ပါတယ်။
အဆင့် ၈ မြန်မာအသင်းရဲ့အောက်မှာတော့ လာအို၊ ဘရူနိုင်းနဲ့ အရှေ့တီမောတို့ ရပ်တည်နေပါတယ်။
ကမ္ဘာ့ဖလားပြိုင်ပွဲမှာ တတိယကြေးတံဆိပ်ဆု ရယူနိုင်ခဲ့တာဖြစ်ပေမဲ့ ရွှေတံဆိပ်ရယူနိုင်ခဲ့သလို ဂုဏ်ယူကြောင်း ခရိုအေးရှားနည်းပြ ဒါလစ်က ပြောကြားလိုက်ပါတယ်။
ခရိုအေးရှားအသင်းဟာ မော်ရိုကိုနဲ့ စနေနေ့က ကစားခဲ့တဲ့ တတိယလုပွဲမှာ ၂ ဂိုး ၁ ဂိုးနဲ့ အနိုင်ရပြီး တတိယဆု ရယူနိုင်ခဲ့တာပါ။
ပွဲအပြီးမှာတော့ တတိယဆုဆိုပေမယ့် ခရိုအေးရှား အသင်းအတွက်တော့ ရွှေတံဆိပ်ဆုလို့ သတ်မှတ်နိုင်ပြီး ခက်ခဲတဲ့ ပွဲစဉ်တွေ ကစားခဲ့ရတာဖြစ်ကြောင်း နည်းပြဒါလစ်က ပြောပါတယ်။
“တတိယဆုရခဲ့လို့ ပျော်ရွှင် ဂုဏ်ယူမိပါတယ်။ ဒီနှစ်ပြိုင်ပွဲမှာ ကျနော်တို့ ဒီအဆင့်အထိ ရောက်မယ်လို့ ဘယ်သူကမှထင်မှာ မဟုတ်ပါဘူး။ ကျနော်တို့က သေးငယ်တဲ့ နိုင်ငံလေး ဆိုပေမယ့် မြင့်မားတဲ့ အိပ်မက်တွေရှိတယ်”လို့ နည်းပြဒါလစ်က ပြောပါတယ်။
ခရိုအေးရှားအသင်းဟာ ၂၀၁၈ ကမ္ဘာ့ဖလားပွဲတုန်းကလည်း ဒုတိယနေရာမှာ ရပ်တည်နိုင်ခဲ့ပါတယ်။ ၁၉၉၈ ကမ္ဘာ့ဖလားပွဲစဉ်တုန်းကလည်း နယ်သာလန်အသင်းကို ၂ ဂိုး ၁ ဂိုးနဲ့ အနိုင်ယူပြီး တတိယနေရာ ရခဲ့ဖူးပြီး အခုနောက်ထပ်တကြိမ်ရရှိတာဖြစ်ပါတယ်။
မနေ့ညကကန်သွားတဲ့ပွဲမှာ ခရိုအေးရှားအသင်းဟာ ပထမပိုင်း ၇ မိနစ်မှာတင် ဂါဇာဒီအော်လ်ရဲ့ လှပတဲ့ ခေါင်းတိုက်ဂိုးနဲ့ ဦးဆောင်နိုင်ခဲ့ပြီး ၂ မိနစ်အကြာမှာပဲ မော်ရိုကိုအသင်းကလည်း ပြစ်ဒဏ်ဘောကနေတဆင့် ခရိုအေးရှားနောက်ခံလူနဲ့ထိပြီး ဂိုးရှေ့ကျလာတဲ့ ဘောလုံးကို ဒါရီက ခေါင်းတိုက် သွင်းယူ ချေပဂိုးသွင်းယူခဲ့တာပါ။
ပထမပိုင်းအတွင်းမှာပဲ ပွဲချိန် ၄၂ မိနစ်မှာ ခရိုအေးရှားအသင်းက အော်စစ်က မော်ရိုကိုအသင်းရဲ့ ဂိုးဧရိယာဒေါင်းအစပ်နားကနေ ကန်သွင်းယူခဲ့ပြီး ခရိုအေးရှားအတွက် ဒုတိယဦးဆောင်ဂိုးကို ရယူနိုင်ခဲ့ပါတယ်။
ဒုတိယပိုင်းမှာတော့ မော်ရိုကိုအသင်းကလည်း ချေပဂိုးရဖို့ ကြိုးစားခဲ့ပေမယ့် ၂ သင်းစလုံး ဂိုး ဆက်မသွင်းနိုင်တော့တာကြောင့် ခရိုအေးရှားအသင်းက မော်ရိုကိုအသင်းကို ၂ ဂိုး ၁ ဂိုးနဲ့ အနိုင်ရရှိ သွားတာလည်း ဖြစ်ပါတယ်။
မော်ရိုကိုနည်းပြ ရက်ဂရာဂူယီကတော့ ကစားသမာတွေဟာ ပွဲပန်းမှု ဒဏ်ခံစားခဲ့ရပြီး ခရိုအေးရှားအဆင့်က တတိယဆုနဲ့ ထိုက်တန်ကြောင်း ချီးကျူးသွားခဲ့ပါတယ်။
