အောင်မြင်မှုမရခဲ့တဲ့အသင်းကို ရွှေရောင်မျိုးဆက်လို့ ညွှန်းဆိုဖို့ခက်ခဲကြောင်း ဘယ်လ်ဂျီယံ ဂိုးသမား ကော့တွိုက်က ပြောသွားပါတယ်။
ဟာဇက်၊ ဒီဘရိုင်း၊ လူကာကူတို့လို ကစားသမားတွေပါဝင်နေတဲ့ ဘယ်လ်ဂျီယံမျိုးဆက်ကို ရွှေရောင်မျိုးဆက်လို့ အများစုက ညွှန်းဆိုခဲ့ကြတာပါ။
ဒါပေမဲ့လည်း ၂၀၁၈ ကမ္ဘာ့ဖလားမှာ တတိယဆုရယူနိုင်ခဲ့တာက အမြင့်မားဆုံးအောင်မြင်မှုဖြစ်ပြီး ဆုဖလားတွေရ ယူနိုင်ခြင်းမရှိခဲ့ပါဘူး။
ဒီအခြေအနေကြောင့် လက်ရှိဘယ်လ်ဂျီယံမျိုးဆက်ဟာ ထူးချွန်တဲ့ ကစားသမား ကောင်းတွေရှိတာ မှန်ပေမယ့် ရွှေရောင်မျိုးဆက်လို့ ခေါ်ဆိုလို့မရနိုင်ကြောင်း ဂိုးသမားကော့တွိုက်က ပြောပါတယ်။ ဘယ်လ်ဂျီယံအသင်းအနေနဲ့ လာမယ့် ၂၀၂၆ ခုနှစ်ကမ္ဘာ့ဖလားပြိုင်ပွဲမှသာ အခုထက်ပို တဲ့အောင်မြင်မှုရဖို့ မျှော်လင့်ကြောင်းလည်း ကော့တွိုက်က ပြောသွားပါတယ်။
