ပြင်ပရွှေစျေး တကျပ်သားကို ကျပ်သိန်း ၃၀ ကျော်ထိ မြင့်တက်လာချိန်မှာ ရွှေဆိုင်နဲ့ ရွှေကုန်သည်တွေကို ကျပ် ၂၉ သိန်းအောက် ဈေးလျှော့ရောင်းချကြဖို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း (YGEA) က မေတ္တာရပ်ခံစာ ထုတ်ပြန်လာပါတယ်။

လက်ရှိဖြစ်ပေါ်နေတဲ့ ကမ္ဘာ့ရွှေစျေးအရ ရွှေဆိုင်တွေ၊ ရွှေကုန်သည်တွေအနေနဲ့ မီးလင်းရွှေ တကျပ်သားကို ကျပ် ၂၉ သိန်းအောက် ဝန်းကျင်နဲ့သာ အရောင်းအဝယ် ပြုလုပ်သင့်တယ်လို့ ယူဆကြောင်း YGEA ရဲ့ ထုတ်ပြန်ချက်မှာ ပါရှိပါတယ်။

သင်္ကြန်မတိုင်ခင် ဧပြီလဆန်းက ကမ္ဘာ့ရွှေဈေး တအောင်စကို အမေရိကန်ဒေါ်လာ ၂,၀၂၀ အထက်မှာရှိခဲ့ပြီး သင်္ကြန်အလွန်ကာလမှာ အမေရိကန်ဒေါ်လာ ၂,၀၀၀ အောက်ကို ပြန်လည်ကျဆင်းလာပါတယ်။

ကမ္ဘာ့ရွှေဈေး ပြန်လည်ကျဆင်းလာပေမဲ့ ပြည်တွင်းရွှေဈေးကတော့ ပြင်ပစျေးကွက်မှာ ကျပ် သိန်း ၃၀ ဝန်းကျင်ထိ မြင့်တက်နေတာ ဖြစ်ပါတယ်။

စစ်တပ်အာဏာသိမ်းပြီးနောက်ပိုင်းမှာ ပြည်သူတွေအနေနဲ့ မြန်မာကျပ်ငွေအပေါ် ယုံကြည်မှု ကျဆင်းလာပြီး ရွှေဝယ်ယူစုဆောင်းမှုတွေ များလာတာကြောင့် မြန်မာ့ရွှေဈေး မြင့်တက်နေရခြင်းဖြစ်တယ်လို့ ကျွမ်းကျင်သူတွေက သုံးသပ်ထားကြတာပါ။

ရန်ကုန်တိုင်းဒေသကြီး ရွှေလုပ်ငန်းရှင်များအသင်း (YGEA) ရဲ့ ရည်ညွှန်းဈေးကတော့ ဒီနေ့ ဧပြီ ၂၇ ရက် ညနေပိုင်းမှာ ရွှေတကျပ်သားကို ကျပ် ၂,၃၅၅,၀၀၀ အဖြစ် သတ်မှတ်ထုတ်ပြန်ထားပါတယ်။

ရန်ကုန်တိုင်းဒေသကြီး ရွှေလုပ်ငန်းရှင်များအသင်း (YGEA) က ရွှေချိန် ၁၂ ပိသာကျော် ရောင်းချပေးပြီးဖြစ်တယ်လို့ ကြေညာထားပေမဲ့လည်း ပြင်ပစျေးကွက်မှာ ရွှေစျေးက ကျပ် ၂၇ သိန်းဝန်းကျင်အထိ ပြန်လည်မြင့်တက်လာတာ တွေ့ရပါတယ်။

YGEA က ရွှေမရောင်းချမီ အောက်တိုဘာ ၁၁ ရက်က ပြင်ပစျေးကွက်မှာ အကယ်ဒမီမီးလင်းရွှေ တကျပ်သားကို ကျပ် ၂၆ သိန်းဝန်းကျင်ရှိခဲ့ပြီး ဒီကနေ့ အောက်တိုဘာ ၁၃ ရက် မွန်းလွဲပိုင်းမှာ ရွှေတကျပ်သားကို ၂,၆၈၀,၀၀၀ ကျပ်ဝန်းကျင်နဲ့ အရောင်းအဝယ် ဖြစ်နေတယ်လို့ စျေးကွက်အတွင်းက စုံစမ်းသိရှိရပါတယ်။

YGEA ရဲ့ ဦးဆောင်မှုနဲ့ အသင်းဝင်တွေရဲ့ ရွှေ ၁၂ ဒသမ ၇၇ ပိသာကို အောက်တိုဘာ ၁၂ ရက်နဲ့ ၁၃ ရက်နေ့တွေမှာ ကုန်စင်အောင် ရောင်းချပေးပြီးဖြစ်တာကြောင့် လက်ကျန်ပစ္စည်း မရှိတော့ကြောင်း အလုပ်အမှုဆောင်အဖွဲ့က အသိပေးကြေညာထားပြီး ထပ်မံရောင်းချပေးမယ့်ရက်ကို အသိပေးကြေညာမယ်လို့ ထုတ်ပြန်ထားတာပါ။

အသင်းအနေနဲ့ အောက်တိုဘာ ၁၂ ရက်နေ့မှာ ရွှေပိသာချိန် ၁၀ ကျော်ကို လူဦးရေ ၁၀၀ ကျော်ဆီ ရောင်းချခဲ့ပြီး အောက်တိုဘာ ၁၃ ရက်နေ့မှာ လက်ကျန်ရွှေ ၂ ပိသာကျော်ကို လူဦးရေ ၂၄ ဦးဆီ ရောင်းချပေးခဲ့ပြီးဖြစ်တယ်လို့ ဆိုပါတယ်။

ရွှေရောင်းချပေးရာမှာ အသင်းအနေနဲ့ တရားဝင်ရည်ညွှန်းစျေးနဲ့ ၅ သိန်းကျော်ခွာပြီး မီးလင်းရွေှ တကျပ်သားကို ကျပ် ၂၅ သိန်းနှုန်းနဲ့ လူတဦးကို ရွှေတကျပ်သားကနေ ၁၀ ကျပ်သားအထိ ဝယ်ယူခွင့်ပေးခဲ့တယ်လို့ သိရပါတယ်။

အသင်းက ရွှေရောင်းချပေးရာမှာ တုံကင်စနစ်နဲ့ ရောင်းချပေးခဲ့တဲ့အပေါ် ပွင့်လင်းမြင်သာမှု မရှိဘူးလို့ ဝေဖန်မှုတွေလည်း ရှိခဲ့ပါတယ်။

လက်ရှိ ကမ္ဘာ့ရွှေစျေးက တအောင်စကို ၁,၆၇ဝ ဒေါ်လာ ပြန်လည်ကျဆင်းနေပြီး ပြည်တွင်း အမေရိကန်ဒေါ်လာ ငွေလဲနှုန်းက တဒေါ်လာကို ကျပ် ၂,၉၀၀ ကနေ ၃,၀၀၀ ကြား အရောင်းအဝယ် ဖြစ်နေပါတယ်။