ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးအနောက်ဘက်ခြမ်းမှာ ဒေသကာကွယ်ရေးတပ်ဖွဲ့ PDF တွေနဲ့  စစ်ကောင်စီတို့အကြား တိုက်ပွဲဖြစ်ပွားနေတယ်လို့ တော်လှန်ရေးတပ်ဖွဲ့တွေထံက သိရပါတယ်။ 

ဇန်နဝါရီ ၃ ရက် နေ့လယ် ၁ နာရီလောက်က အင်းလေးကန် အနောက်ဘက်ခြမ်းရှိ ဘုရားနီကျေးရွာနဲ့ သန်းတောင်ကျေးရွာကြားမှာ စစ်တပ်ကောင်စီတပ်ဖွဲ့ဝင်တွေကို ပျူစောထီးတွေက လမ်းပြခေါ်ဆောင်လာရာကနေ စတင်တိုက်ပွဲဖြစ်ပွားခဲ့ပြီး နှစ်ဘက် ထိခိုက်မှုတွေ ရှိတယ်လို့ ရှမ်းတောင်တော်လှန်ရေးအင်အားစုမှ ရဲဘော် တယောက်က ပြောပါတယ်။

“ပျူတွေ လမ်းပြခေါ်လာရာကနေ တိုက်ပွဲစတင်ဖြစ်ပွားတာပါ။ နှစ်ဘက် အထိအခိုက်ရှိပါတယ်။ စ(-) ဘက်က စစ်အင်အား ထပ်ဖြည့်လာပါတယ်။ လတ်တလောမှာတော့ နှစ်ဘက် ထိတွေ့မှုထပ်မရှိသေးဘူး။” 

ဒါ့အပြင် တောင်ကြီး၊ အောင်ပန်း၊ ဆီဆိုင်နဲ့ အင်းလေးဒေသတွေမှာ ဇန်နဝါရီလ ၃ ရက်နေ့က စတင်ပြီး တိုက်ပွဲတွေဖြစ်ပွားနေပြီး ပစ်ခတ်မှုတွေ ဆက်လက်ဖြစ်လာနိုင်တာကြောင့် ပြည်သူတွေအနေနဲ့ အသွားအလာ ဂရုစိုက်ကြဖို့ ညောင်ရွှေ ပြည်သူ့ကာကွယ်ရေးတပ်ဖွဲ့က သတိပေးစာ ထုတ်ပြန်ထားပါတယ်။ 

အာဏာသိမ်းစစ်ကောင်စီကို အမြစ်ဖြတ်တွန်းလှန်ဖို့ နေပြည်တော် ပြည်သူ့ကာကွယ်ရေးတပ်ဖွဲ့ အပါအဝင် ကယားပြည်နယ်နဲ့ ရှမ်းပြည်နယ်တောင်ပိုင်းက ညီနောင်မဟာမိတ် ၆ ဖွဲ့ ပူးပေါင်းလိုက်တယ်လို့ ဩဂုတ် ၁၆ ရက်မှာ ကြေညာပါတယ်။

      နွေဦးတော်လှန်ရေးမှာ ရှေ့ဆက်လုပ်ငန်းစဉ်တွေ ပူးပေါင်းဆောင်ရွက်သွားကြမယ့် ညီနောင်မဟာမိတ် ၆ ဖွဲ့ကတော့ အရင်က ပူးပေါင်းပြီးဖြစ်တဲ့ ပြည်သူ့ကာကွယ်ရေးတပ်- ဒီးမော့ဆို (DMO PDF)၊ ပြည်သူ့ကာကွယ်ရေးတပ်-မိုးဗြဲ (MB PDF)၊ ဖယ်ခုံ (PK PDF) တို့နဲ့အတူ နောက်ထပ် ၃ ဖွဲ့ဖြစ်တဲ့ ပြည်သူ့ကာကွယ်ရေးတပ်-ရှမ်းတောင် (SS PDF)၊ ပြည်သူ့ကာ ကွယ်ရေးတပ်-နေပြည်တော် (NPT PDF)၊ ပြည်သူ့ကာကွယ်ရေးတပ်-လွိုင်ကော် (LKW PDF) တို့ ပါဝင်လာခဲ့တာပါ။

      ညီနောင်မဟာမိတ် ၆ ဖွဲ့ဟာ ပြည်သူလူထုကို အခြေခံဖွဲ့စည်းထားတာကြောင့် ပြည်သူ့ဆန္ဒသဘောထားကို အပြည့်အဝ ဦးစားပေးဆောင်ရွက်သွားမှာဖြစ်ပြီး စစ်အာဏာရှင်ကို အမြစ်ပြတ်တွန်းလှန်မယ့် တိုင်းရင်းသားလက်နက်ကိုင်အဖွဲ့အစည်း EAOs တွေနဲ့ ချိတ်ဆက်ပူးပေါင်းတိုက်ထုတ်သွားမယ်လို့ ဆိုပါတယ်။

မြန်မာနိုင်ငံမှာ ပြီးခဲ့တဲ့ ဖေဖော်ဝါရီ ၁ ရက်နေ့က စတင်ကာ အကြမ်းဖက်စစ်အုပ်စုက မတရားအာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၆ လခွဲကျော် ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီးထောင်ချခံရသူတွေနဲ့အတူ နိုင်ငံအဝန်း တောရောမြို့ပါမကျန် ဒေသခံပြည်သူ့ကာ ကွယ်ရေးတပ်တွေနဲ့ စစ်ကောင်စီတပ်တွေကြားတိုက်ပွဲတွေလည်း ပြင်းထန်နေတာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) ရဲ့ ထုတ် ပြန်ချက်အရ လတ်တလောအချိန်ထိ အာဏာသိမ်းစစ်ကောင်စီတပ်ရဲ့ ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူ ၉၇၀ ကျော်၊ ဖမ်းဆီးထိန်းသိမ်းခံခဲ့ရသူပေါင်း ၇,၀၀၀ ကျော်ထိ ရှိခဲ့တယ်လို့ ဆိုပါတယ်။