စစ်ကိုင်းတိုင်း၊ တမူးမြို့အခြေစိုက် တမူးပြည်သူ့ကာကွယ်ရေးတပ်ဖွဲ့ရဲ့ တပ်ရင်းတခုဖြစ်တဲ့ People's Defence Force - Combat Engineer Unit တပ်ရင်းမှာ ‌ဇွန် ၁၅ ရက်က ရဲဘော်တဦး မိုင်းမတော်တဆ ထိခိုက်ဒဏ်ရာ ရခဲ့တယ်လို့ PDF-CEU အဖွဲ့က ပြောပါတယ်။

PDF-CEU မိုင်းထုတ်လုပ်ရေးအဖွဲ့က ရှော့တိုက်မိုင်းထုတ်လုပ်စဥ် မတော်တဆ ပေါက်ကွဲမှုဖြစ်ခဲ့ပြီး ရဲ‌ဘော်တဦး ထိခိုက်ဒဏ်ရာရကာ ဆေးဝါးကုသမှု ခံယူနေရတာပါ။

PDF-CEU တာဝန်ရှိသူတဦးက "ရှော့တိုက်မိုင်းထုတ်ဖို့ စမ်းသပ်နေကြတာ။ စမ်းသပ်ရင်း မတော်တဆ မိုင်းကပေါက်ကွဲသွားတာ။ တပ်ရင်းက ရဲဘော်ဒေါန ထိခိုက်ဒဏ်ရာရသွားတယ်။ အခုတော့ ဆေးဝါးကုသမှု ခံယူနေရတယ်။ မိဘပြည်သူတွေအနေနဲ့ ရဲဘော်ဒေါနအတွက် ဆေးဝါးနဲ့ ဆေးကုသစရိတ်တွေ အခက်အခဲဖြစ်‌‌နေတာကြောင့် ကူညီထောက်ပံ့ပေးကြဖို့ကိုလည်း မေတ္တာရပ်ခံချင်ပါတယ်" လို့ ပြောပါတယ်။

လတ်တလော တမူးမြို့နယ်မှာ စစ်ကောင်စီတပ်တွေနဲ့ တမူး PDF တပ်ဖွဲ့တွေကြား စစ်ရေးတင်းမာနေပါတယ်။