ကမ္ဘာ့ဖလားပြိုင်ပွဲဝင် ဘရာဇီးအသင်းရဲ့ တိုက်စစ်မှူး ဂျေဆူနဲ့ နောက်ခံလူ တဲလက်စ်တို့ဟာ ဒဏ်ရာအခြေအနေတွေကြောင့် အသင်းရဲ့ လက်ကျန်ပွဲစဉ်အားလုံးကို လွဲချော်တော့မှာပါ။
အဲဒီကစားသမားနှစ်ဦးဟာ ကင်မရွန်းကို ၁ ဂိုး ဂိုးမရှိနဲ့ရှုံးနိမ့်ခဲ့တဲ့ အုပ်စုနောက်ဆုံးပွဲစဉ်မှာ ဒူးဒဏ်ရာအသီးသီးရရှိခဲ့ကြတာပါ။
တနင်္လာနေ့က ဒဏ်ရာအခြေအနေကို စစ်ဆေးခဲ့ပြီးနောက် လက်ကျန်ပွဲစဉ်တွေအမီ ပြန်လည်ကောင်းမွန်လာဖို့ မဖြစ်နိုင်တော့ကြောင်း ဘရာဇီးအက်ဖ်အေက သတင်းထုတ်ပြန်ခဲ့ပါတယ်။
ဘရာဇီးအသင်းမှာ အဓိက တိုက်စစ်မှူး နေမာလည်း ဒဏ်ရာရနေသလို ဘယ်ညာအစွန်တွေက နောက်ခံလူတွေဖြစ်တဲ့ ဒယ်နီလိုနဲ့ ဆန်ဒရိုတို့ဟာလည်း ဒဏ်ရာအသီးသီးရရှိနေပါတယ်။
