မျောက်ကျောက်ရောဂါနဲ့ လက်ဆာအဖျားရောဂါတွေဟာ ကူးစက်ချိန်ပိုကြာပြီး မကြာခဏ ကူးစက်လာနေတယ်လို့ ကမ္ဘာ့ကျန်းမာရေးအဖွဲ့ကြီး (WHO) ရဲ့ အရေးပေါ်ကိစ္စရပ်များဆိုင်ရာ ညွှန်ကြားရေးမှူး မိုက်ခ် ရိုင်ယန်က ဇွန် ၁ ရက်မှာ ပြောလိုက်ပါတယ်။
ရာသီဥတု ပြောင်းလဲမှုကြောင့် မိုးခေါင်တာ၊ လူနဲ့ တိရစ္ဆာန်တွေ အမူအကျင့်ပြောင်းတာတွေ ပိုမြန်မြန်ဖြစ်လာနေတာပါ။
ရလဒ်အနေနဲ့ တိရစ္ဆာန်တွေကြားမှာ ကူးစက်လေ့ရှိတဲ့ ဂေဟစနစ်ဆိုင်ရာ ရောဂါတွေက လူကိုကူးစက်နှုန်း ပိုတိုးလာနေတယ်လို့ သူက ဆက်ပြောပါတယ်။
ဒါကြောင့် ဂေဟစနစ်ရဲ့ ဖိအားတွေ စနစ်ထဲမှာရှိတာ သေချာနေတယ်၊ ကြွက်တွေကတဆင့် အာဖရိကကို အစုလိုက်ပျံ့နှံ့တဲ့ ပြင်းထန်တဲ့ ဗိုင်းရပ်စ်ရောဂါဖြစ်တဲ့ လက်ဆာ အဖျားရောဂါ ဖြစ်ပွားတဲ့ အလားအလာတွေ မြင့်တက်လာနေတယ်လို့လည်း သူကပြောပါတယ်။
အာဖရိကပြင်ပ နိုင်ငံ ၃၀ ကနေ ဗိုင်းရပ်စ်ကူးစက်ခံ အတည်ပြုလူနာ အယောက် ၅၅၀ ကျော်နဲ့ပတ်သက်တဲ့ အစီရင်ခံစာကို WHO က လက်ခံရရှိထားတယ်လို့ WHO ရဲ့ ညွှန်ကြားရေးမှူးချုပ် တေဒရို အဒ်ဒါနွန် ဂေဘရီယေးဆပ်က ပြောထားပါတယ်။
