အင်္ဂလန်ကစားသမားဟောင်း ဒေးဗစ်ဘက်ခမ်းဟာ ဧပြီ ၂၇ ရက်က အသင်းဟောင်း ပီအက်စ်ဂျီ လေ့ကျင့်ရေးကွင်းဆီကို သွားရောက်လည်ပတ်ခဲ့ပါတယ်။
ဘက်ခမ်းဟာ ပီအက်စ်ဂျီအသင်းရဲ့ နာမည်ကျော်ကစားသမားတွေဖြစ်တဲ့ မက်ဆီ၊ အမ်ဘာပေ၊ ရာမို့စ်တို့နဲ့ ဓာတ်ပုံအတူတွဲရိုက်ခဲ့သလို အသင်းသား ၂၄ ဦးနဲ့လည်း စုပေါင်းဓာတ်ပုံရိုက်ခဲ့ပါတယ်။
အသက် ၄၇ နှစ်ရှိ ဘက်ခမ်းဟာ ကစားသမား ဘဝက ပီအက်စ်ဂျီအသင်းမှာ နောက်ဆုံးကစားခဲ့ပြီး အနားယူခဲ့တာပါ။
အဲဒီတုန်းကအသင်းမှာ အတူတွဲဖက် ကစားခဲ့ဖူးတဲ့ ကစားသမားတွေထဲမှာ ကွင်းလယ်လူ ဗာရက်တီတစ်ဦးသာ ပီအက်စ်ဂျီအသင်းမှာ ကျန်ရှိတော့တာပါ။
ဘက်ခမ်းဟာ ကျောနံပါတ် ၃၂ ရိုက်နှိပ်ထားတဲ့ ဘက်ခမ်းအမည်ပါ ဂျာစီနဲ့အတူ နောက်ခံလူ မာကွင်ဟိုနဲ့လည်း အတူဓာတ်ပုံရိုက်ခဲ့ပါသေးတယ်။
ဘက်ခမ်းဟာ ၂၀၁၃ ခုနှစ်က ပီအက်စ်ဂျီအသင်းမှာ ၅ လစာချုပ်နဲ့ စုစုပေါင်း ၁၄ ပွဲကစားခဲ့ပြီး ပြင်သစ်လိဂ်ချန်ပီယံရယူနိုင်ခဲ့ပါတယ်။
