ရန်ကုန်၊ စမ်းချောင်းမြို့နယ်၊ ဗဟိုလမ်းမဘေး ဝဲ၊ ယာမှာ လမ်းဘေးစျေးသည်တွေ စျေးရောင်းချခြင်း မပြုဖို့ မြို့နယ်စည်ပင်သာယာရေးကော်မတီက စက်တင်ဘာ ၁၀ ရက်  ဒီနေ့ ညနေ ၃ နာရီလောက်က လိုက်လံ ဆော်ဩနေပါတယ်။ 

ဒါ့အပြင် စက်တင်ဘာ ၁၀ ရက်နေ့ကစပြီး ဗဟိုလမ်းမကြီးကို တောင်မှမြောက်၊ ဗားကရာလမ်းမကြီးကို ဗားကရာလမ်းကနေ ဟံသာဝတီလမ်းဘက်တောင်မှ မြောက်၊ ဟံသာဝတီအဝိုင်းမှ ဗားကရာအထိ ကျွန်းတောလမ်းမကြီးကို မြောက်မှ တောင် တစ်လမ်းသွား အဖြစ် သတ်မှတ်လိုက်တယ်လို့ လိုက်လံကြေညာနေတယ်လို့ ဒေသခံတွေက ပြောပါတယ်။ 

စက်တင်ဘာ ၉ ရက်နေ့ ညနေပိုင်းက ပစ်ခတ်ပေါက်ကွဲမှုအပြီး စမ်းချောင်းမြို့နယ်ထဲ လုံခြုံရေးတင်းကျပ်ထားသလို စက်တင်ဘာ ၁၀ ရက်နေ့ မနက်ပိုင်းကလည်း ဂွစျေးကို ပိတ်ခိုင်းထားပြီး လမ်းတစ်ချို့ကို ပိတ်ဆို့ထားပါတယ်။

ရန်ကုန် သာကေတမြို့နယ်ထဲမှာ မတ်လ ၃၀ ရက် ညနေပိုင်းက လမ်းဘေးဈေးရောင်းသူ တချို့နဲ့ လမ်းသွားလမ်းလာပြည်သူ ၁၀ ယောက်ကျော်ကို အကြမ်းဖက်စစ်ကောင်စီတပ်က အကြောင်းမဲ့ ဖမ်းဆီးခေါ်ဆောင်သွားခဲ့တယ်လို့ မျက်မြင်ကြုံခဲ့ရသူ တစ်ဦးက ပြောပါတယ်။

ဒီကနေ့ မနက်အစောပိုင်းမှာလည်း အရပ်သား ၃ ယောက်ကို ဖမ်းဆီးခဲ့သေးတယ်လို့ သိရပါတယ်။

စစ်အာဏာစသိမ်းတဲ့ ဖေဖော်ဝါရီ ၁ ရက်မှ မတ်လ ၃၀ အထိ သာကေတမြို့နယ်အတွင်း အကြမ်းဖက် စစ်ကောင်စီ​တပ်ရဲ့ ပစ်ခတ်မှုကြောင့်သေဆုံးသူ အနည်းဆုံး ၆ ဦးအထိ ရှိခဲ့ပြီး  ဖမ်းဆီးခံခဲ့ရသူပေါင်း အနည်းဆုံး ၂၀၀ လောက်ရှိနေပြီ ဖြစ်ပါတယ်။

သာကေတမြို့နယ် နေ့ရောညပါ အကြမ်းဖက် ပစ်ခတ်တာတွေ နေ့စဉ်နဲ့အမျှ ရှိနေပေမယ့်လည်း သပိတ်စစ်ကြောင်းတွေကတော့ အားမလျော့သွားပဲ စစ်အာဏာရှင်စနစ်ကို ဆန်ကျင် ဆန္ဒဖော်ထုတ်နေကြတာပါ။

Photo...Credit