ဘိုလီးဗီးယားနိုင်ငံ ဆန်တာခရုဇ်ပြည်နယ်ရဲ့ ဒေသဆိုင်ရာအုပ်ချုပ်ရေးမှူး လက်ယာယိမ်း အတိုက်အခံ ခေါင်းဆောင် လူးဝစ် ဖာနန်ဒို ကာမာချိုကို ဖက်ဒရယ်အစိုးရက ဖမ်းဆီးပြီးနောက် ၂၄ နာရီကြာ ဆန္ဒပြသပိတ်မှောက်မှုမှာ ဆန်တာခရုဇ်က ဆန္ဒပြသူတွေဟာ အဆောက်အအုံတွေကို တိုက်ခိုက်ပြီး ကားတွေကို မီးရှို့တဲ့အပြင် လမ်းမတွေနဲ့ အဝေးပြေးလမ်းတွေကို ညတွင်းချင်း ပိတ်ဆို့ခဲ့ကြပါတယ်။
ညဘက်မှာတော့ ခရိုင်မြို့တော်ရဲ့ အစိတ်အပိုင်းတွေမှာ ဆန္ဒပြသူတွေဟာ ကားတွေနဲ့ တာယာတွေ ကို မီးရှို့ခဲ့ကြပါတယ်။
ဆန္ဒပြသူတွေဟာ မျက်ရည်ယိုဗုံးတွေသုံးပြီး လူစုခွဲဖို့ ကြိုးပမ်းခဲ့တဲ့ ရဲတွေဆီကို မီးရှူးမီးပန်းတွေနဲ့ ပစ်ပေါက်ခဲ့ကြပါတယ်။
ဒီဇင်ဘာ ၃၀ ရက် မနက်အစောပိုင်းမှာတော့ ကမာချိုအား လုံခြုံရေး အမြင့်ဆုံး အကျဉ်းထောင်ကို ပြောင်းရွှေ့လိုက်ပါတယ်။
ဆန်တာခရုဇ်ဒေသရှိ သူ့ရဲ့ချမ်းသာကြွယ်ဝတဲ့ စိုက်ပျိုးရေးအခြေစိုက်စခန်းနဲ့ နိုင်ငံတော်အစိုးရတို့ ကြား တင်းမာမှုတွေ မြင့်တက်နေချိန်မှာ ဆန္ဒပြမှုတွေ ပေါ်ပေါက်ခဲ့တာပါ။
ဒီဇင်ဘာ ၂၉ ရက် နှောင်းပိုင်းက ဆန်တာခရုဇ်တခွင်ကို စစ်ဘက်တပ်ဖွဲ့အချို့ ဖြန့်ကျက်ချထား ပေမယ့် ဒီဇင်ဘာ ၃၀ ရက်က လမ်းပိတ်ဆို့မှုတွေကို ဘယ်လိုတုံ့ပြန်မယ်ဆိုတာကို အစိုးရက ပြောကြားခြင်းမရှိပါဘူး။
ကမာချိုဟာ ၂၀၁၉ ခုနှစ်က သမ္မတ အီဗို မိုရာလက်စ် နိုင်ငံကနေ ထွက်ပြေးသွားခဲ့တဲ့ နိုင်ငံရေး မငြိမ်မသက်မှုတွေမှာ ပါဝင်ပတ်သက်မှုအတွက် "အကြမ်းဖက်မှု" စွဲချက်နဲ့ ဒီဇင်ဘာ ၂၈ ရက်က ဖမ်းဆီးခံခဲ့ရတာဖြစ်ပြီး တခြားရာဇ၀တ်မှု စွဲချက်များစွာအတွက် စုံစမ်းစစ်ဆေးခံနေရပါတယ်။
ဒီဇင်ဘာ ၂၉ ရက် နှောင်းပိုင်းမှာ ရုံးတင်စစ်ဆေးခြင်း အကြိုထိန်းသိမ်းမှုအဖြစ် ထောင်ဒဏ် ၄ လ ချမှတ်ခဲ့တာပါ။
ကမာချိုကတော့ သူ အပြစ်ကင်းစင်တယ်လို့ ချေပထားပြီး သူ့ကိုဖမ်းဆီးမှုဟာ နိုင်ငံရေးအရ ပြန်ပေးဆွဲမှုလို့ ခေါ်ဆိုခဲ့ပါတယ်။ အစိုးရရှေ့နေတွေကတော့ ဒီဖမ်းဆီးမှုဟာ ပြန်ပေးဆွဲခြင်း သို့မဟုတ် နိုင်ငံရေးအရ လှုံ့ဆော်ခြင်း မဟုတ်ကြောင်း ငြင်းဆိုခဲ့ပါတယ်။
